DARALO 72:14 - WUKE SUSI WATTI'U AL᷊AL᷊USASSA

¹⁴ I Tou namallosi mangitou wuassu pangangallanga wuṛṛu araṛagissa, ana waugu wiakki mangitou tumaniten maarega si tou.

DARALO 72:14 Referans Kwoze

DARALO 116:15

Mawu tumaniten mappau papaten sangkatou apan arangnguan-Ne.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”

DARALO 69:18

Ariewe pa'imbuni wuassu allang-Ngu indi, ana waugu i ya'u massusa, paasaṛṛawutte mangontola si ya'u.

2 SAMUEL 4:9

Arawe i Daud sinumimbakka, “Mawu apan biakka, apan buatte nanal᷊amatta si ya'u wuassu al᷊awo'u asasilaka, masingkatta manungku wisara'u indi naṛṛino.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

DARALO 130:8

I Tou sarun mamallosi ite wuassu al᷊awo'u pasasal᷊an kite.

DARALO 25:22

Oh Ruata, pallosaawe al᷊aṛṛanang-Ngu wuassu al᷊awo'u asasusane.

1 SAMUEL 26:21

Ana see i Saul sinumimbakka, “I ya'u buatte na'ola'a pasasal᷊a. Pabbelengke Daud, Ana'u! I ya'u tate ma'ola'a al᷊al᷊eo apia si'o ana waugu i'o buatte namala'u wiakka masaṛṛabbi. Pallal᷊agu'u tumaniten longonna. I ya'u atonna-tonna nial᷊iwunete!”

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

2 SAMUEL 23:17

I tou nabbisara, “Oh Mawu, i ya'u tawe mappa'inumma ua'e indi! Amungkangu i ya'u ma'inumma, ere lai ya'u na'inumma daṛṛan manga taumata apan buatte nanantillu niawan mangitou!” Nariaddi i Daud mangke maddiri ma'inumma ua'e udde. Eteudde inasaharannu siri tallu taumata waṛṛani apan matohassa udde.