DARALO 72:13 - WUKE SUSI WATTI'U AL᷊AL᷊USASSA

¹³ I Tou u'akkannu taumata asiangnga wuṛṛu taumata susa, wuṛṛu nanal᷊amatta wiakku taumata awussa.

DARALO 72:13 Referans Kwoze

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

DARALO 109:31

Ana waugu i Tou nangambanga wuṛṛu nanal᷊amatta taumata asiangnga wuassi mangitou apan nangema'u ṛuumanna mate si tou.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [