DARALO 72:11 - WUKE SUSI WATTI'U AL᷊AL᷊USASSA

¹¹ Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

DARALO 72:11 Referans Kwoze

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

SONDAPPA 21:26

Awawantuga wuṛṛu paa'ala manga walahanna sarun iapidda watukku lal᷊ummu soa udde.

SONDAPPA 21:24

Manga walahanna su runia sarun umamatta sulal᷊ummu asasemakke, wuṛṛu manga ratu lai sarun mangapiddu pa'a'ala mangitou watukku soa udde.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

REENGANNA 24:7

I mangitou naasomba ua'en kuranna apan manambo-nambo, wualanna apan naasomba ua'ene manambo. Ratune sarun mawantuga, nangillembo wuassi Agag, wuṛṛu araratuanne sarun wantuhanna.

MIKHA 7:17

I mangitou sarun umomangnga su leta'a ere atoanna. Ringannu matta'utta wuṛṛu mangngindo i mangitou sarun sumabbangnga wuassu tanda'a watu mangitou, wua'udde rumanta ringa-Nu, oh Mawu Ruatan kami.