DARALO 72:10 - WUKE SUSI WATTI'U AL᷊AL᷊USASSA

¹⁰ Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 72:10 Referans Kwoze

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

DARALO 68:29

Ruatanu maddea'a atatohannu; oh Ruata, tohassawe sarangkanambone apan buatte niolang-Ngu si yami.

1 MARARATU 10:1

Ratun banua Syeba naaringikka su ola'u atatelengngi Salomo. Ne i tou nirumanta watukku Yerusalem manal᷊u'atta si Salomo ringannu aiwal᷊o apan masahadda.

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

DARALO 45:12

Al᷊aṛṛamagu maasaṛṛimbuatta naungngu ratu, i tou tuangngu, passuṛṛubawate si tou.

2 TAWARIKH 9:21

i Salomo uatahuanna maambo apalla wahewalla apan massenggotta su tahal᷊oangnga mal᷊alangnga, suadio'a ringannu manga apalla tatahuananni Ratu Hiram. Tallu tonna paassa manga apalla mabelengnga uaapiddu wul᷊awanna, sal᷊a'a, gadinga, mangki wuṛṛu manu'a merak.

PANDARIADDI 10:7

Papulunni Kus eteudde tumana'u Seba, Hawila, Sabta, Raema wuṛṛu Sabtekha. Papulunni Raema eteudde tumana'u Syeba wuṛṛu Dedan.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

1 MARARATU 10:25

I mangitou sangkatou-sangkatou nirumanta ringannu uaapiddu aonggolla hunan Salomo. I mangitou nangonggollu manga saranapa sal᷊a'a, wul᷊awanna, laubba, lutangnga, rampa-rampa, awal᷊o wuṛṛu bagal. Etearoddi suapan tonna mallal᷊isansunna.

1 MARARATU 10:10

Wua'udde ratun banua Syeba udde nanantilla si Salomo manga aonggolla apan niapidde, eteudde nilumebbe wuassu 4.000 su kilone wul᷊awanna wuṛṛu marasai watu permata see rampa-rampa. Tate saran paassa lai i Salomo nanarimmattu rampa-rampa apan aroddi anambone ere nionggollu ratun banua Syeba udde si tou. (

1 MARARATU 10:2

I tou nirumanta raṛundinganannu manambo taumata wuṛṛu unta apan nasaddattu luranna rampa-rampa, watu permata, wuṛṛu marasai wul᷊awanna. Sutempo nassomban Salomo, ratu udde nangonggollu al᷊awo'u hatin aiwal᷊o apan tawe iaṛṛingidde.

ESTER 10:1

Ratu Ahasyweros napamattu manara iwabbata'a, wal᷊ine tumba'u su tumana'u manga wageangngu leta'u apannu tahal᷊oangnga sulal᷊ummu araratuanne, arawe lai su manga wageangngu leta'u ul᷊une.

DARALO 68:30

Manga ratu uaapiddu sasamba Si'o su Wal᷊en-Nu su Yerusalem.