DARALO 69:36 - WUKE SUSI WATTI'U AL᷊AL᷊USASSA

³⁶ I Tou sarun manal᷊amatta Yerusalem wuṛṛu maparisikku apia manga soan Yehuda. Al᷊aṛṛana'u Mawu sarun mamanua poiaroddi; leta'a udde mabbal᷊i pussa'an mangitou.

DARALO 69:36 Referans Kwoze

DARALO 102:28

Arawe I'o sidutu uasul᷊unga, I'o wiakka tawe pangudusanne.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

DARALO 37:29

Taumata susi sarun manahuanna leta'a udde, wuṛṛu mamanua isudde saran mal᷊annu-l᷊annu.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.