DARALO 69:21 - WUKE SUSI WATTI'U AL᷊AL᷊USASSA

²¹ Aal᷊uandaga naadio'a naungku, wuṛṛu i ya'u tate antimma. I ya'u maddea'a darangngu, arawe tawe gunane, i ya'u maddea'a mallal᷊imbata, arawe i ya'u tawe naasomba.

DARALO 69:21 Referans Kwoze

MATIUS 27:34

Isudde i mangitou napa'inummu anggore su Mawu Yesus apan nilo'annu paddu. Arawe napawe Mawu Yesus naattemma anggore udde, i Tou madiri ma'inumma.

LUKAS 23:36

Manga tantara lai mangngadio'a si Tou. I mangitou nangundani wuṛṛu nangonggolu anggore mapakkada si Tou

MARKUS 15:23

Isudde i mangitou napa'inummu anggore lal᷊o'annu awawangngi, arawe Mawu Yesus maddiri ma'inumma anggore udde.

MATIUS 27:48

Sangkatou wuassi mangitou ringannu mal᷊ihakka nanganu wungan sahatta, wuṛṛu inammo sulal᷊ummu anggore mapakkadda. Wua'udde i tou nangusu'u pentakku alu sampaddi su wungan sahatta udde wuṛṛu tinogokka su wiwikku Mawu Yesus.

MARKUS 15:36

Sangkatou wuassi mangitou mal᷊iha-l᷊ihakka nanganu wungan sahatta, see inammo sulal᷊ummu anggore mapakkada. Wua'udde wungan sahatta udde niusu'u pentakku alu see tinogokka su wiwikku Mawu Yesus, ringannu wisarane, “Ṛaddoi, wette i ite ma'ellega tanne i Elia rumanta manossokki Tou wuassu arussa udde.”

YEREMIA 9:15

Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.

YEREMIA 8:14

“Anio i ite mangke mal᷊anna-l᷊annabba?” unnu umattu Ruata. “Wette i ite suaddio'a inaite massal᷊iu watukku manga soa apan pia tanda batune wala'e i ite mate poiaroddi. Mawu Ruatang kite buatte nanantunna manungku i ite ṛinone mate. I tou buatte nangonggolla si ite racunna iapa'inumma ana waugu i ite marosa si Tou.

TAHIUL᷊E 29:18

Nariaddi paatehamma imbaṛṛangnga pia sangkatou suwallati yamiu, esakka ara'e wawine, tuṛṛangnga ara'e ṛuanganna apan uarisikka isindi, tumal᷊iudda Mawu Ruatan kite wuṛṛu massubba manga Mawu balahanna waine. Inolaanna udde naal᷊ihidda ṛamutta apan tinumuwo naola'a sasuanna mapetta wuṛṛu ere pasangkada.

YEREMIA 23:15

Mawu Apan Lembontaṛṛino nabbisara, “Sarun Ta'u ionggolla su manga nabi su Yerusalem udde sasuanna mapetta iapaanna wuṛṛu pasangkadda iapa'inumma, ana waugu i mangitou buatte naaola'a taumata su ahewallu wanua tate mangaddatta si Ya'u.”

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.