DARALO 68:3 - WUKE SUSI WATTI'U AL᷊AL᷊USASSA

³ Ruata nallimbuakka si mangitou niapa'ingkata, naal᷊ihidda timbulla apan nitiuppu anginna ana see nawul᷊i. Naal᷊ihidda lilinna nonossa sulal᷊ummu putungnga, etearoddi taumata lal᷊eo nawul᷊i wuassu saruannu Ruata.

DARALO 68:3 Referans Kwoze

DARALO 64:10

Ana see anambon taumata ringanna nata'utta; i mangitou maṛṛingiddu inolaannu Ruata wuṛṛu mammasingkatu sarangkamabone apan buatte niolang-Nge.

1 TESALONIKA 5:16

Ṛinone i yamiu sidutu lulluassa,

SONDAPPA 19:7

Wette i ite lumala'a wuṛṛu lumuassa; wette i ite maddalo awawantu-Ge! Ana waugu nia'omante allong kawingnga apan uaaggasa arannu Ana'u Domba udde, wuṛṛu pare-Ne nasaddiate iawingnga si Tou.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

DARALO 97:12

Lallala'e, ei manga taumata apan naungnge matul᷊idda ana waugu sarangkanambone apan buatte niola'u Mawu, wuṛṛu paadiangkamante su Ruata apan susi.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

DARALO 58:10

Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.

DARALO 43:4

Ne i ya'u sarun mattudan mezbah Duata, sumaruanna Ruata punnu al᷊al᷊ua'u. I ya'u sarun mangantari wuṛṛu mannalanga kecapi, ipaddalo Si'o, oh Ruata, Ruata'u.

DARALO 21:1

Su piaṛṛa'u mangangantari. Daralon Daud.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 37:20

Arawe taumata lal᷊eo sarun mate, seettu Mawu sarun mawul᷊i naal᷊ihidda wunga su wadda'a, i mangitou sarun mawul᷊i sulal᷊ummu timbulla.

DARALO 75:4

Amungkangu runia umio'a ringannu anambon tumanangnge ete i Ya'u apan manohassa manga diṛṛine.”