DARALO 67:2 - WUKE SUSI WATTI'U AL᷊AL᷊USASSA

² Antimanna Ruata mandangngu wuṛṛu mangal᷊amatta si ite, antimanna i Tou ma'ellega si ite ringannu sasaṛionto'u naungnga.

DARALO 67:2 Referans Kwoze

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

WATTI'U MANGA RASUL 18:25

see suete lai niaṛṛaanna manaṛṛassida al᷊aṛṛa'u Mawu Yesus. Ne ringannu apulu apan wahewalla i tou mangngaṛṛa'a ringannu ma'uddupa su ola'u Mawu Yesus, salaiwe wakkute sasaṛṛanin Yohanes niasingkatanne.

LUKAS 3:6

Manga taumata su ahewallu runia sarun ma'ellega Ruata manal᷊amatta taumata!’ ”

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

DARALO 43:5

Anio naungku massusa wuṛṛu sussinggawanga? I ya'u uaantimma Ruata, ne i ya'u sarun maadiangkamanna apia si Tou, su Ruata'u wuṛṛu mananal᷊ama'u.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

DARALO 117:2

Ana waugu tumaniten wahewalla darangngun Mawu si ite apapia-Ne sidutu sarangkal᷊o'engnge. Paddalote Mawu!

WATTI'U MANGA RASUL 22:4

I ya'u mammate ma'oman sara mallal᷊aṛṛenggennu al᷊aṛṛa'a wakku udde nate. I mangitou sarangkanambone mapia esakka ara'e lai wawine, ta'u sinametta wuṛṛu tinaṛṛo sulal᷊ummu tuttupanna.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

DARALO 4:7

Manambo taumata ma'iwal᷊o, “Isai apan sarun mangal᷊amatta si ite?” Antimanna I'o umakkanni yami, oh Mawu.

DARALO 41:5

Wisara'u, “I ya'u narosate su saruan-Nu, oh Mawu, akkanaawe i ya'u wuṛṛu paapiaawe i ya'u.”

DANIEL 9:17

Oh Ruatan kami, daringiṛṛewe aal᷊iomanna wuṛṛu sasalande'u. Welengaawe wal᷊e-Nu apan buatte niniṛṛimunsa'a udde, apiate tadea'u anambon taumata masingkatta manungku ete I'o Ruata.