DARALO 66:2 - WUKE SUSI WATTI'U AL᷊AL᷊USASSA

² Pangantarite wuṛṛu pamantugge aran-Ne, wantuhete i Tou ringannu manga daralo.

DARALO 66:2 Referans Kwoze

SONDAPPA 5:13

See i ya'u naaringikka al᷊awo'u riadianna su langitta, su runia, su wantan runia wuṛṛu sulal᷊ummu tahal᷊oangnga – aunne al᷊awo'u riadianna su ul᷊ilim pati'uppa indi – mangngantari, “I Tou apan ua'ianna su adderan araratuanna, wuṛṛu Sangkatou Ana'u Domba udde, mangke raddaloanna wuṛṛu a'addatanna see awantuhanne wuṛṛu uataṛṛino saran mal᷊annu-l᷊annu!”

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 42:12

Mappianne i mangitou mamantuga Mawu, wuṛṛu mamasingkatti Tou su manga wanua marau.

DARALO 107:22

Wala'e i mangitou maadiangkamanna ringannu uaapiddu sasamba, wuṛṛu mabbatti'u inolaan-Ne ringannu manga aantarin lal᷊uassa.

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

DARALO 107:15

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

DARALO 106:2

Isai wotongnge mamasingkattu atatohassu Mawu, wuṛṛu mangonggolu daralo apan ṛinone si Tou?

DARALO 79:9

Ontol᷊ewe i yami oh Ruata, mananal᷊amatti yami, ampungewe manga rosan kami wuṛṛu pallosaawe i yami maola'a aaddata Si'o sassane.

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

DARALO 68:33

Pangantarite su Ruata, ei anambon araratuanna, pangantariten daralo su Mawu,