DARALO 66:15 - WUKE SUSI WATTI'U AL᷊AL᷊USASSA

¹⁵ I ya'u mangonggolu sasamba Si'o sasamba itattambunna wuassu winatanga apan nipile, ambinga domba wuṛṛu sapi esakka, timbulle sussal᷊oi watukku langitta.

DARALO 66:15 Referans Kwoze

DARALO 51:19

Sasamba su Ruata uddewe naungnga apan natuno, naungnga matuṛṛutta wuṛṛu pia awawal᷊u tawe itol᷊ang-Ngu.

YEREMIA 41:5

nirumantate siri ual᷊un pul᷊o taumata wuassu Sikhem, Silo, wuṛṛu Samaria. I mangitou buatte nangiṛṛi omengnga, nanggesa'a laubba, wuṛṛu ringannu mannatta'a awa'i mangitou. I mangitou uaapiddu gandumma wuṛṛu kemenyan ionggolla su Wal᷊en Mawu.

2 SAMUEL 6:13

Sutempo manga taumata apan uapasanna Wantallu Pa'aire udde nilumempangke paiannumma, i Daud napata'alli mangitou. Wua'udde i tou nangonggollu sasamba su Mawu, eteudde sapi esakka wuṛṛu ana'u sapi apan buatte niapaatawa.

REENGANNA 6:14

ringannu mangapidda su Mawu tatallu winatangnga apan tawe sangkulle; sambau ana'u domba esakka uukke santonna maola'a sasamba itattambunna, sambau lai ana'u domba wawine uukke santonna maola'a sasamba aampungnga rosa, wuṛṛu sambau domba esakka maola'a sasamban paddarame.

EZRA 8:35

Su allo udde lai anambon taumata buatte nawelengnga wuassu pamamuanganna udde, nangonggollu sasamba itattambunna su Ruatan Israel. I mangitou nangonggollu 12 sapi esakka sasamban ahewallu Israel, 96 domba esakka wuṛṛu 77 ana'u domba; wal᷊ine wua'udde lai 12 ambinga maola'a sasamba aampungnga rosan batanganni mangitou sassane. Anambon winatangnga udde nitambunna maola'a sasamba su Mawu.