DARALO 65:6 - WUKE SUSI WATTI'U AL᷊AL᷊USASSA

⁶ I'o sinumimbakka si yami ringannu nangonggolu auntunganna si yami, I'o na'ola'a inolaanna apan maatiangnga ipanal᷊amatta si yami! Ete I'o antimannu anambon walahanna maddatingngu tahal᷊oangnga apan marau.

DARALO 65:6 Referans Kwoze

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

MIKHA 6:2

Ei manga wowone, ei manga wantan dunia, paddaringikke aansillu Mawu! I Tou pia gatto ringannu Israel uman-Ne wuṛṛu manassu si mangitou.

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

DARALO 119:90

Apapia-Nu mattaṛṛangnga su al᷊o'engngu tempo, I'o nanohassa runia tadea'u ta'e pia.

DARALO 24:2

I Tou nangaddon rapappake su wowon tahal᷊oangnga, wuṛṛu nipasi'a su ua'e apan mal᷊al᷊umma.

1 SAMUEL 2:4

Anaannu atumannaṛanne napaddite, arawe lembon matohasse taumata lome.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 63:1

“Isaite i tou apan nirumanta wuassu Bozra su Edom? laungnge maṛṛamu, peddenne maṛṛamaga; i tou u'amatta ringannu waṛṛani matohassa.” “Ete i Ya'u Mawu apan botongnge manal᷊amatta wuṛṛu nirumanta ringannu uaapiddu watti'u auntunganna.”