DARALO 65:11 - WUKE SUSI WATTI'U AL᷊AL᷊USASSA

¹¹ I'o napa'elekku ua'e su sasal᷊uṛṛannu pajekone wuṛṛu I'o namokka letangnge. I'o nanuwukka leta'a ringannu uranna, wuṛṛu rariagan-Nu lal᷊uwone tuttuwo masuwukka.

DARALO 65:11 Referans Kwoze

DARALO 103:4

i Tou apan namallossu niawanu wuassu labbinga, apan nangonggolla si'o ringannu darangngu wuṛṛu aakkanna.

DARALO 5:12

Antimanna anambon taumata apan uasirungnga Si'o lulluassa wuṛṛu hugion lal᷊uassa saran mal᷊annu-l᷊annu. Lu'arewe manga taumata apan marangngu Si'o, tadea'u i mangitou lumuassa ana waugu I'o.

DARALO 36:8

Tumaniten maarega darangngu-Nu, oh Ruata, taumata uasirungnga sulal᷊ummu al᷊ungngu papaiddu Mawu.

HAGAI 2:19

Salaiwe tate ganduma apan natantangnga, wuṛṛu punnu anggore, punnu ara, punnu delima wuṛṛu punnu zaitun taambe nabbua, arawe manattakka orassa indi i Ya'u sarun mangal᷊amatta si yamiu!”

AMSAL 14:18

Taumata apan tawe batti'u pabbiaṛṛanne sarun maola'a woddo; taumata pande sarun aatambanna asingkanne.

MALEAKHI 3:10

Apira'e sepeṛṛe mapul᷊onu sarangkanambone watukku Wal᷊e-U tadea'u pia anna manambo poiaroddi. Panal᷊u'ate si Ya'u, ne i yamiu sarun maasilo manungku i Ya'u namu'a manga ngaran surga wuṛṛu nangonggolla si yamiu al᷊awo'a apan mapia.

YOEL 2:14

Asinungka Mawu Ruatanu mawal᷊u ṛingiranna, wuṛṛu mangal᷊amatta si yamiu ringannu nilumambalanna. Na'oman sara i yamiu wotongnge mangonggollu sasamba sasamba anggore wuṛṛu gandumma su Mawu, Ruatanu.

DARALO 25:10

Taumata apan matuṛṛutta paaire-Ne wuṛṛu tita-Ne, papadul᷊ianan-Ne ringannu darangngu wuṛṛu tatuṛṛutta.

DARALO 104:3

wuṛṛu napararisikku Wal᷊en-Nu su wowon ua'e su winalanganna. Manga winabbawa niolang-Ngu kereta-Nu, I'o uasa'e papaiddu anginna.

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

AYUB 36:28

I Tou nangansallu uranna wuassu winabbawa; niwokka-Ne su walahannu taumata.

TAHIUL᷊E 11:12

Mawu Ruatanu mappadul᷊i wanua udde wuṛṛu mallu'adda su al᷊o'engngu tonna.

AYUB 5:10

I tou nanossokku uranna su wowon dunia, na'oman sara wawail᷊anna wuṛṛu wadda'a naṛṛolo niwokkanne.

DARALO 68:10

Ringannu tinumompe'a I'o nanossokku uranna, wuṛṛu nanuwukka letang-Ngu apan maṛṛasa.

DARALO 104:13

Wuassu langitta I'o nanossokku uranna su panenteanna, runia nepenen lanna'u manara-Nu.