DARALO 64:8 - WUKE SUSI WATTI'U AL᷊AL᷊USASSA

⁸ Arawe Ruata namiti'u anaan-Ne si mangitou, wuṛṛu inaṛombanganne i mangitou nal᷊essa.

DARALO 64:8 Referans Kwoze

AMSAL 18:7

Wisaran taumata woddo maawinasa watanganne; i tou niasongngan bisarane sassane.

AMSAL 12:13

Taumata lal᷊eo niasongngannu manga wisara lal᷊eo apan niwisarane; taumata mapia nal᷊iu wuassu asasusa.

DARALO 140:9

Arie pa'utunge apulun taumata lal᷊eo, oh Mawu, arie pabbala'a hol᷊agi mangitou maola'a.

LUKAS 19:22

Ratu udde nabbisara si tou, ‘I'o mangangimbe lal᷊eo! Nassul᷊ungngu ere wisaranu sassane, i ya'u sarun maṛṛuumannu. I'o masingkatta i ya'u taumata maṛṛagissa: i ya'u mangnganu al᷊awoa apan tawe rarotongku, wuṛṛu mangngammulu auntunganna su tampa i ya'u tawe massuanna.

MATIUS 21:41

I mangitou sinumimbakka, “I tou sarun mamate manga taumata lal᷊eo udde, see mapasewatem baillu anggore udde su taumata waine apan maapulu mangagillu hessin leta'a udde su tempone.”

NAHUM 3:7

Iapa naasilo si'o sarun mangindaun batanganne wuṛṛu mabbisara, ‘Niniwe ete nallambe winalal᷊anne! Isai mappulu massusa ringanni tou? Taweddu mappulu mangonggollu al᷊al᷊uassa si tou.’ ”

YEREMIA 48:27

Wal᷊inewe dorone taumatan Israel buatte nilaggen taumata Moab wuṛṛu ipaggahatto ereola'u i mangitou niasametta suadio'a ringannu manga taṛṛa ta'o?

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

DARALO 31:11

I ya'u mabbiakka nappussa sulal᷊ummu asasusa, manga tonna'u malliudda sulal᷊ummu sasal᷊iomanna. Auatangku nahaingnga ana waugu al᷊al᷊eo'u, ewe'e lai manga duṛṛi'u nabbal᷊i maṛṛattu.

DARALO 22:7

Arawe i ya'u indi lal᷊uati, wal᷊ine taumata, aal᷊uandahanna wuṛṛu lallobosannu awadaalla.

AYUB 15:6

I ya'u tate lai mangansilla wuṛṛu mapasal᷊anu, ana waugu manga wisaranu sassane i'o nialae.

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”

SONDAPPA 18:4

See i ya'u naaringikka tingikka waine wuassu surga nabbisara, “Sabbangke, al᷊aṛṛana-U! Sabbangke wuassu lal᷊umme! Imbaṛṛanga i yamiu tumantalongnga manga rosane, wuṛṛu tumuṛṛutta mamasanna ṛuumanne!

DARALO 59:12

Ariewe mamate si mangitou, oh Mawu, tadea'u walahangku tawe maabul᷊i. Sal᷊iawuṛṛa'e wuṛṛu waddoa'e i mangitou ringannu taṛṛino-Nu, oh Mawu mallal᷊u'addi yami.

DARALO 52:6

Ringannu manga wisaranu i'o mammahia wuṛṛu mannaddu'a naungngu taumata!

DARALO 9:3

I ya'u maapulu lumuassa wuṛṛu lumala'a ana waugu I'o wuṛṛu maddalo aran-Nu, Mawu Apan Atanggaṛṛanne.

REENGANNA 16:34

Anambon taumatan Israel su tampa udde tinumal᷊angnga napawe naaringikka i mangitou mangngintul᷊i “Tal᷊angke! Takka i ite allupannu runia!”

DARALO 144:6

Tuntunga'e sawallo-Nu tadea'u seetta massal᷊iawukka, pallosa'e anaannu tadea'u i mangitou mata'utta.