DARALO 64:10 - WUKE SUSI WATTI'U AL᷊AL᷊USASSA

¹⁰ Ana see anambon taumata ringanna nata'utta; i mangitou maṛṛingiddu inolaannu Ruata wuṛṛu mammasingkatu sarangkamabone apan buatte niolang-Nge.

DARALO 64:10 Referans Kwoze

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 40:3

I Tou namatunna si ya'u wuassu loṛṛangnga apan maasilaka, wuassu labbon lota. I Tou nangaddo'u su wowon wuiddu watu, na'oman sara lempangku naatokka.

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

DARALO 112:2

Manga anangnge sarun mamarenta su wanua indi, papapulunnu taumata mapia sarun al᷊amatanna.

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

DARALO 25:20

Riagaiwe wuṛṛu sal᷊amatewe i ya'u, tadea'u i ya'u tawe maasomba asasili, ana waugu i ya'u uatillumma Si'o.

AYUB 22:19

Taumata mapia, lullagge napenen al᷊al᷊uassa, napawe maasilo taumata lal᷊eo naasomba ṛuumanna.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

DARALO 58:10

Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.

DARALO 11:1

Su piaṛa'u mangangantari. Daralon Daud. I ya'u uasirungnga su Mawu; tawe gunane mabbisara si ya'u, “Panal᷊amatte watangannu naal᷊ihidda manu'u winalanganna tuttala'a watukku wowone.