DARALO 6:2 - WUKE SUSI WATTI'U AL᷊AL᷊USASSA

² Mawu, ariewe manggesekka si ya'u ringannu asasa'u-Nu, ariewe makkuumangku sulal᷊ummu wawuṛṛeang-Ngu.

DARALO 6:2 Referans Kwoze

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

DARALO 31:10

Akkanaawe i ya'u, oh Mawu, ana waugu i ya'u sulal᷊ummu asasusa; mata'u mapal᷊atta ana waugu lulluai, wadangnga wuṛṛu niawa'u maggingge.

DARALO 30:2

I ya'u maddalo Si'o, oh Mawu, ana waugu I'o buatte nanal᷊amatta si ya'u wuṛṛu tawe namalan see'u mannampissi'u.

YEREMIA 17:14

Mawu, paapia'awe i ya'u, ne i ya'u sarun mabbal᷊i mapia. Sal᷊amata'awe i ya'u, ne i ya'u sarun masal᷊amatta. Tumba'u I'o apan wabbantuhangku!

DARALO 51:8

I'o maddoronga atatul᷊iddu naungnga; loṛṛoiten naungku ringannu apande-Nu.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

DARALO 38:7

I ya'u niuma'ukku'a wuṛṛu niumaruutta, su al᷊o'engngu allo i ya'u uatinnannanga wuṛṛu massusa.

DARALO 38:3

Anaan-Nu nallappasa nallessa wadangku, lima-Nu pendamanna mawakkata uaumpisanna si ya'u.

DARALO 32:3

Su al᷊annune i ya'u tawe manga'u rosa'u, i ya'u lome ana waugu sussal᷊iomanna su al᷊o'engngu allo.

PANDARIADDI 20:17

Mawu buatte napatinnan anambon bawine su wal᷊en araratuanni Abimelekh ana waugu arariadianna si Sara, awingngi Abraham udde. Ana see i Abraham niumal᷊iomanna su Ruata, wuṛṛu Ruata napaapian Abimelekh, awingnge wuṛṛu manga allangnge wawine, na'oman sara manga wawine udde wotongnge mapangunsiwe apia.

MATIUS 4:24

Watti'a su ola'u Mawu Yesus udde naddingikke su al᷊awo'u wanua su Siria, na'oman sara taumatanambo rudanta ringanni Tou. I mangitou uaapiddu manga taumata apan uatataṛṛangnga al᷊awo'u hatin radda'a wuṛṛu asasusa. Manga taumata apan niasuttannu ghaṛṛaho lal᷊eo, apan raddangnge pua, wuṛṛu lome, sarangkanambone udde niapaapia Mawu Yesus.

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

AYUB 5:18

Ana waugu ete Ruata apan mapaal᷊essa, Ete i Tou lai apan mangundamma. Su lima-Ne apan namuulla, eteudde lai apan mapaul᷊e apia.

REENGANNA 12:13

Ne i Musa sinumal᷊andete Mawu, “Oh Mawu, i ya'u sumal᷊ande, paapiaawe i tou!”

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

AYUB 19:21

Ei manga hawe'u, akkanaawe i ya'u, ana waugu liman Duata namuulla si ya'u.

DARALO 38:2

Mawu, ariewe i ya'u iṛṛuumanna sulal᷊ummu asasa'u-Nu, ariewe panansara si ya'u sulal᷊ummu pandarona-Nu.

YEREMIA 10:24

Puulle i yami oh Mawu, ariewe ringannu papuulla apan tumaniten maataddu'a. Ariewe lai makkuumanni yami napawe I'o nasa'ute, ana waugu i yami sarun mate abbi.