DARALO 59:13 - WUKE SUSI WATTI'U AL᷊AL᷊USASSA

¹³ Ana waugu i mangitou u'al᷊iomanna ringannu manga wisaran mangitou; wala'e i mangitou iasongngan awawungane, ana waugu i mangitou apulune mammontoga wuṛṛu mammahia.

DARALO 59:13 Referans Kwoze

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

YEHEZKIEL 39:7

Arawe supattangngannu taumatan Israel, sarun Ta'u iapasingkatta arang-Ku apan na'ukkassa, wuṛṛu arang-Ku udde tate lai lal᷊eoanna. Ne manga walahanna masingkatte manungku ete i Ya'u Mawu, Ruata apan na'ukkassa wuassu Israel.”

DARALO 59:11

Ana waugu apapia-Nu Ruata'u nirumanta ringangku, I Tou namala'u nabbiala see'u niawaddo.

DANIEL 4:25

Tuangku sarun limbuaṛṛanna wuassu ammul᷊annu tumana'u soa wuṛṛu mabbiakka sutangngan manga winatangnga su wadda'a. Al᷊annune pitu tonna Tuangku sarun umanna nanal᷊o ere sapi wuṛṛu mattiilla su lete'a mal᷊al᷊angnga, ma'oman sara maṛṛolon anggukka. Wua'udde Tuangku darun manga'u manungku Ruata Apan Atanggaṛṛanne uataṛṛino su aṛṛatuannu taumata, wuṛṛu araratuanna udde nionggollu Ruata su anambon taumata apan nipile-Ne.

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

DARALO 104:35

Wala'e taumata marosa mawul᷊i wuassu wowon dunia, wala'e taumata lal᷊eo masue mate. Paddalote Mawu, ei niawa'u! Paddalote Mawu!

2 MARARATU 19:19

Ore Mawu, Ruatan kami, pallosaawe yami wuassu manga taumatan Asyur udde, tadea'u al᷊awo'u walahanna su runia masingkata manungku tumba'u I'o Ruata.”

REENGANNA 32:13

Mawu nasa'u su walahannu Israel na'oman sara i Tou namalan mangitou lullallele su wadda'a appatu pul᷊o su tonnane al᷊annune na'oman sara anambon taumata apan buatte nilumawangnga si Tou nate abbi.

DARALO 10:7

I tou sidutu mammontoga, mammansaga wuṛṛu mammahia, manga wisarane napenen ararantinna wuṛṛu al᷊al᷊eo.

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

DARALO 109:17

I Tou apulune mantal᷊a; wala'e i tou sassane aṛṛinoannu tatal᷊a! I Tou maddiri mangonggolu al᷊amatta, wala'e tawe al᷊amatta si tou!

AMSAL 12:13

Taumata lal᷊eo niasongngannu manga wisara lal᷊eo apan niwisarane; taumata mapia nal᷊iu wuassu asasusa.