DARALO 58:9 - WUKE SUSI WATTI'U AL᷊AL᷊USASSA

⁹ Wala'e i mangitou naal᷊ihidda watto'a apan nonossa mabbal᷊i luṛṛo, naal᷊ihidda ana'a addio'a apan nate taambe naasilo semakka.

DARALO 58:9 Referans Kwoze

AMSAL 10:25

Napawe anginna wahewalla tumumbu'a mawul᷊ite taumata lal᷊eo; arawe taumata matul᷊idda matatana'a matohassa saran mal᷊annu-l᷊annu.

DARALO 118:12

Naal᷊ihidda atimpua i mangitou uaṛṛimpulunna si ya'u; ringannu taṛṛinon Mawu, i mangitou ta'u niawaddo. Sulal᷊ummu sangkaṛṛondappa i mangitou nipaddumma naal᷊ihidda putungnga nanoṛṛoba anggaṛṛumunanne.

MANNANASE 7:6

Lal᷊aggen taumata woddo tawe atappasanne, ere tingikku larangnga nasoṛṛobbu putungnga.

YEREMIA 23:19

Asasa'u Mawu naal᷊ihidda anginna wahewalla apan mannanggiudda wuṛṛu mannalla'u manga taumata apan dal᷊eo.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 40:24

I mangitou udde naal᷊ihidda sinuananna wakku apan wakkute tuttuwo ṛamunne. Napawe Mawu maniuppu anginna, i mangitou maṛṛangu wuṛṛu nitallange ere laṛṛami.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

AMSAL 1:27

Ore, i ya'u sarun mangeetta si yamiu amungkangu i yamiu sussinggawanga wuṛṛu uatataṛṛangnga susa ana waugu niaṛṛiaannu asasilaka apan rumanta ere anginna al᷊isusu.

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

DARALO 10:5

Taumata lal᷊eo mahessi sulal᷊ummu inasaharanne; i tou tawe maailal᷊a ara'e maasunna titan Mawu wuṛṛu mangngadio'a anambon ro'amme.

DARALO 10:2

Ringannu mawunga taumata lal᷊eo mangngallanga taumata asiangnga; wala'ewe i mangitou mul᷊ussa su seddane sassane.

AYUB 27:21

Anginna ra'i nanalla'i tou, wuṛṛu nanahangginna wuassu wal᷊ene.

AYUB 18:18

Wuassu asasemakka i tou nilimbuaṛṛanna sulal᷊ummu ararandumma; wuassu runian taumata wiakka i tou niapasal᷊iu.

REENGANNA 16:30

Arawe amungkangngu Mawu na'ola'a sambau apan taambe saran paassa niaringiṛṛanni yamiu al᷊annune indi, wuṛṛu amungkangngu leta'a mawa'a mangalluppa si mangitou suadio'a ringannu al᷊awo'u darotongngi mangitou, na'oman sara i mangitou masutta ta'e wiakka sulal᷊ummu runian taumata nate, i yamiu maasingkatte manungku manga taumata udde nilumawangnga Mawu.”

AYUB 3:16

Anio i ya'u tawe niasungkangnga tawe niawane tadea'u mattilla mal᷊angnga-langnga?