DARALO 57:2 - WUKE SUSI WATTI'U AL᷊AL᷊USASSA

² Akkanaawe i ya'u, oh Ruata, akkanaawe i ya'u, ana waugu ete Si'o i ya'u uatillumma. Sulal᷊ummu al᷊ungngu papaiddu Mawu i ya'u uaimbuni, na'oman sara tandi'a mabbal᷊i mal᷊enakka.

DARALO 57:2 Referans Kwoze

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

DARALO 56:2

Akkanaawe i ya'u, oh Ruata, ana waugu i ya'u pappangaloanna, i ya'u sidutu aallangannu manga see'u.

DARALO 17:8

Paddul᷊ianewe i ya'u naal᷊ihidda ana'u mata-Nu, wuniaawe i ya'u su al᷊ungngu papaiddu Mawu

DARALO 41:5

Wisara'u, “I ya'u narosate su saruan-Nu, oh Mawu, akkanaawe i ya'u wuṛṛu paapiaawe i ya'u.”

DARALO 143:9

I ya'u nirumanta maddea'a pattillummanna Si'o, oh Mawu, pallosaawe i ya'u wuassu manga see'u.

YESAYA 26:20

Suttate sulal᷊ummu wal᷊enu, ei pabbawala'u, ana see ṛuura'e ngara. Pa'imbunite tantal᷊angkadio'a ma'oman sara asasa'u Mawu muddussa.