DARALO 56:6 - WUKE SUSI WATTI'U AL᷊AL᷊USASSA

⁶ Mamiallo see'u mangngal᷊iba'ukku hatto'u, i mangitou sidutu maddea'a manilaka si ya'u.

DARALO 56:6 Referans Kwoze

DARALO 71:10

ana waugu manga see'u maggahatto'u, manga taumata apan maapulu mamate si ya'u naammule.

DARALO 59:3

Pallosaawe i ya'u wuassu taumata apan ma'ola'a al᷊al᷊eo, liuaawe i ya'u wuassu manga taṛṛa pate.

DARALO 140:2

Liuaawe i ya'u wuassu taumata lal᷊eo, oh Mawu, riagaiwe i ya'u su saruannu taumata apan ma'ola'a al᷊al᷊eo.

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

MATIUS 26:57

Manga taumata apan nanametta Mawu Yesus nangapidde Mawu Yesus su wal᷊en Imam Bahewa Kayafas. Poiaroddi manga hurun agama wuṛṛu piaṛṛa'u Yahudi uaammulle.

DANIEL 6:4

Tawe nal᷊annu inauranna manaran Daniel lembon mappianne wuassu manaran manga gubernure wuṛṛu manga mandariaga waine. Ana waugu udde, ratu mappalu manenegi Daniel moala'a tembonanne su ahewallu araratuanna.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YESAYA 54:15

Napawe i'o pangaloanna, wal᷊inewe i Ya'u apan nandolokka, salaiwe isai mamangalo si'o sarun manawo.

DARALO 89:51

Naungete oh Mawu, ereapa manga allang-Ngu indi aal᷊uandahanna, i ya'u uapasanna lal᷊obbossu manga walahanna.

DARALO 57:6

Oh Ruata, pal᷊iatta'e awawantu-Gu su langitta, wuṛṛu awasa-Nu su ahewallu runia.

DARALO 37:32

Taumata mapia lal᷊ingeannu taumata lal᷊eo apan maddea'a tempone ipamate si tou.

AYUB 31:4

Ruata sarun masingkattu al᷊awo'u inolaangku; I tou maasilo al᷊awo'un lempangku.

AYUB 14:16

Ana see suapan lempangku sidutu lal᷊u'aran-Nu, arawe rosa'u tate lai panduman-Nu.

AYUB 16:10

Manga taumata mangngal᷊uandaga si ya'u ringannu moṛṛongnga uanganga mal᷊oangnga; i ya'u niṛṛimpulunanna wuṛṛu wambala'u nipero.

AMSAL 24:15

Imbaṛṛangnga ere taumata lal᷊eo apan ma'ire makkampassa taumata matul᷊idda wuṛṛu mangaṛṛo wal᷊ene.