DARALO 56:4 - WUKE SUSI WATTI'U AL᷊AL᷊USASSA

⁴ Sutempo i ya'u matta'utta, i ya'u uaantimma Si'o.

DARALO 56:4 Referans Kwoze

IBRANI 13:6

Ana waugu udde i ite waṛṛani mabbisara, “Eteudde Mawu Matatul᷊ungku, i ya'u tawe matta'utta. Apa apan wotongnge olaannu taumata su saruangku?”

DARALO 118:6

I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 31:3

Taumata Mesir tumbau taumata, wal᷊ine Ruata. Awal᷊on mangitou riaddianna wiasa, wal᷊ine mawu. Napawe Mawu mammanarate, walahanna apan mantul᷊ungnga udde sarun itara wuṛṛu walahanna apan nitul᷊ungnga udde sarun manawo. Ne itarua sarun mate.

DARALO 119:160

Anambon ṛengetannu naṛṛino, al᷊awo'u tita-Nu matul᷊idda saran mal᷊annu-l᷊annu.

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

YOHANES 10:35

I ite masingkatta manungku apa apan uawoṛṛetta sulal᷊ummu Wuke Susi ipappaatta sarangkal᷊o'engnge. Nariaddi, amungkangngu Ruata mangonggolu aranna ‘mawu’ su manga taumata apan madaringikka wisara-Ne,

1 SAMUEL 30:6

Tantaran Daud lembon nasusa ana waugu niawul᷊ianten ana'a wuṛṛu awingngi mangitou. Ana waugu udde i mangitou nanuntungngu watu si Daud. Nariaddi i Daud sulal᷊umme asasusa apan bahewalla, arawe naungnge nitohassu Mawu Ruatane.

2 TAWARIKH 20:3

Yosafat nata'utte ana see i tou inumal᷊iomante naddorongnga tatantiro wuassu Mawu. Wua'udde i tou namarenta tadea'u lal᷊oṛṛon soa sarangkanambone mappuasa.

2 TAWARIKH 20:4

Wuassu suapan soa su Yehuda, taumata inaite watukku Yerusalem maiontolla su Mawu.