DARALO 55:17 - WUKE SUSI WATTI'U AL᷊AL᷊USASSA

¹⁷ Arawe i ya'u sumal᷊ande su Ruata, Mawu sarun manal᷊amatta si ya'u.

DARALO 55:17 Referans Kwoze

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

1 TESALONIKA 5:17

wuṛṛu sidutu u'al᷊iomanna.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

WATTI'U MANGA RASUL 3:1

Su sambau allo i Petrus wuṛṛu i Yohanes inai su Wal᷊e Mawu su puulla tatallu wawallo, eteudde orassa umal᷊iomanna.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

WATTI'U MANGA RASUL 10:9

Tiṛṛabbine, tantal᷊anna i mangitou sulal᷊ummu amatanne wuṛṛu maraniten Yope, i Petrus nirumanganna su pangketta ana umal᷊iomanna.

MARKUS 1:35

Rua'allone, su tempo ta'e maṛṛanggapa atonna, Mawu Yesus nabangunte see nanantangken bal᷊e. I Tou inaite su tampa apan mal᷊annaba su liuddu soa, wuṛṛu inumal᷊iomante poiaroddi.

DANIEL 6:10

Ne Ratu Darius nabartandate suratta parenta udde.

DARALO 119:62

Ṛabbi mattangnga i ya'u mapu'o ana waugu maddalo Si'o, ana waugu manga tita-Nu apan matul᷊idda.

DARALO 92:2

Mapiawe atonna maadiangkamanna Si'o, oh Mawu, wuṛṛu maddalo Si'o, Ruata Apan Atanggaṛṛanne;

WATTI'U MANGA RASUL 10:30

I Kornelius sinumimbakka, “Tallu allo nal᷊iu, iraṛṛangngo su tempo ereindi, i ya'u tantal᷊anna u'al᷊iomanna su wal᷊e puulla tatallu wawallo. Inaṛṛombanganne sangkatou esakka nirumarisikka su saruangku. Laubbu taumata udde sussal᷊ol᷊otta.

MARKUS 6:46

Napawe suete nanondon taumata nambo udde, Mawu Yesus inaite su wuidda umal᷊iomanna.

DARALO 88:13

Apa piaddu maasingkatta al᷊aṛṛindu'u Mawu sulal᷊ammu ararandumma, ara'e apapia-Nu su wanuan taumata apan tinimbul᷊iananna?

WATTI'U MANGA RASUL 10:3

Su sambau allo iraṛṛangngo puulla tatallu allattune i tou naasilo ringannu masemakka sulal᷊ummu sondappa, sangkatou mala'ekattu Mawu nirumanta wuṛṛu namaggo si tou, “Kornelius!”

DANIEL 6:13

i mangitou sarangkanambone inaite sinumaruanna ratu mangalaen Daniel. I mangitou nabbisara, “Wal᷊inewe Tuangku buatte nabbartanda suratta parenta apan manningaddu anambon taumata al᷊anannune tallun pul᷊o su allone indi mamasingkattu darorongnge suwallatu sambau monganna ara'e taumata tabbene'e si Tuangnga sassane? Wuṛṛu lai, mangungku isai-sai nilumawangnga parenta udde sarun itaṛṛo sulal᷊ummu liangngu singa?” Ratu sinumbimbakka, “Atonna, wuṛṛu parenta udde naola'a atoranna su Media wuṛṛu Persia apan tawe wotongnge ia'ule apia.”

MARKUS 6:48

I Tou naasilote si mangitou mammundalla ringannu masahadda atonna, ana waugu anginna uasomakka saalanna. Ana waugu udde, iraṛṛangngo su wallattu puulla tatallu wuṛṛu annumma rua'allo, i Tou nirumantate ringanni mangitou u'amatta su wowon ua'e. Wuṛṛu i Tou sidutu u'amatta ere ola'u sumabbi si mangitou.

LAL᷊ALLU 3:8

I ya'u mangngintul᷊i ma'iontolla, arawe Ruata maddiri maddaringikka.

AYUB 19:7

I ya'u mabbinsolokka ana waugu araṛṛagin-Ne udde, arawe tawe saran sangkatou apan ma'ellega si ya'u. “Suapa atatul᷊idda,” aintul᷊i'u, arawe tawe saran sangkatou apan maddaringikka si ya'u.

DARALO 72:12

Ana waugu i tou namallossu taumata niallangnga apan tawe maal᷊ore, wuṛṛu taumata asiangnga apan sussal᷊ande si tou.

DARALO 77:2

Ringannu ma'ikkata i ya'u sussal᷊ande su Ruata; ringannu ma'ikkata i ya'u sussal᷊ande, ne i Tou naddaringikka si ya'u.