DARALO 53:6 - WUKE SUSI WATTI'U AL᷊AL᷊USASSA

⁶ Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

DARALO 53:6 Referans Kwoze

DARALO 14:7

Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 14:32

Sasimbakka apa apan sarun isimbakki ite su manga daroloṛṛanna apan rumanta wuassu walahannu Filistin? I ite sarun sumimbakka si mangitou manungku Mawu buatte namangunna Sion, wuṛṛu uman-Ne apan uatataṛṛangnga sarun maasomba aontolla isudde.

DARALO 85:1

Su piaṛṛa'u mangangantari. Daralon ṛuanganni Korah.

NEHEMIA 12:43

Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

YOEL 3:1

Mawu nabbisara, “Sutempo udde Yerusalem wuṛṛu Yehuda sarun Ta'u iapawelengnga apia lal᷊umanangnge.

YEREMIA 31:23

Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

AYUB 42:10

Wua'udde, napawe i Ayub niumal᷊iomannu siri tallu hawene, Mawu na'ola'a si tou naala apia wuṛṛu nangonggolla si tou paarua anambone wuassu anambon pussa'ane dorone.

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.