DARALO 53:2 - WUKE SUSI WATTI'U AL᷊AL᷊USASSA

² Taumata longonna mabbisara sulal᷊ummu naungnge, “Tawe Duata.” Inolaanni mangitou lal᷊eo wuṛṛu maarantinna; taweddu ma'ola'a apapia.

DARALO 53:2 Referans Kwoze

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

DARALO 27:8

I'o nabbisara, “Rantate passubba si Ya'u.” I ya'u sinumimbakka, “I ya'u sarun rumanta, oh Mawu;

2 TAWARIKH 19:3

Salaiwe aroddi piaddu lai apapia si Tuangnga. i Tuangnga buatte nandammen anambon paal᷊uannu Monganni Asyera apan sassubbannu tumana'u soa wuṛṛu i Tuangnga buatte nattinsahadda mabbiakka tumuṛṛuttu apulun Duata.”

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

DARALO 102:19

Woṛṛeta'e anambon inolaannu Mawu su pallal᷊awanna apan addantane, tadea'u walahanna apan taambe niasungkangnga wotongnge maddalo si Tou.

DARALO 11:4

Mawu su Wal᷊en-Ne apan susi, aianan-Ne su surga. I Tou ma'ellega umattu taumata wuṛṛu maasingkatta al᷊awo'u inolaanni mangitou.

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”