DARALO 51:9 - WUKE SUSI WATTI'U AL᷊AL᷊USASSA

⁹ Ukkasawe i ta'u, ne i ya'u sarun mawaresi; ukkasawe i ya'u, ne i ya'u sarun mabbiranne wuassu sangarenna.

DARALO 51:9 Referans Kwoze

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

KOLOSE 2:14

wuṛṛu tate nanusi surattu utangnga su saruanni ite, apan nangonggolu atoranna mawakkata si ite. Ringannu nangarussan suratta udde su alu arussa, Ruata namappassa anambon aalae su saruanni ite.

YESAYA 38:17

Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

DARALO 51:1

Su piaṛṛa'u mangangantari. Daralo niarangngi Daud

REENGANNA 19:18

Sulal᷊ummu olangnge paaororone, eteudde amungkangngu pia taumata apan paarorone nate sulal᷊ummu rasanna, taumata apan baresi ṛinone manganu sandanna hisop, iammo sulal᷊ummu ua'e udde, ana see mamokka rasanna udde wuṛṛu al᷊awo'u saranapa apan uaraddo sulal᷊umme, wuṛṛu manga taumata isudde lai. Su olangnge aruane, eteudde napawe sangkatou naeṛṛetannu asuangnga, labbingnga ara'e duṛṛin taumata nate, taumata apan baresi udde ṛinone mamokka taumata apan ma'arantinna udde ringannu olangnge apan uasul᷊ungnga lai.

AYUB 9:30

Tawe sabonna apan wotongnge maraddassa rosa'u!

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.