DARALO 51:19 - WUKE SUSI WATTI'U AL᷊AL᷊USASSA

¹⁹ Sasamba su Ruata uddewe naungnga apan natuno, naungnga matuṛṛutta wuṛṛu pia awawal᷊u tawe itol᷊ang-Ngu.

DARALO 51:19 Referans Kwoze

DARALO 4:5

Mangiladden atata'utta wuṛṛu ariete ma'ola'a rosa apia. Ṛingira'e ringannu mal᷊annaba sutempo i'o ual᷊allowanga

MALEAKHI 3:3

I Tou rumanta tadea'u makkuungnga, naal᷊ihidda taumata apan mammaresi wul᷊awanna wuṛṛu sal᷊a'a. Ere sangkatou mapapanden logamma mammaresi wul᷊awanna wuṛṛu sal᷊a'a, aroddi lai daroloṛṛannu Mawu sarun mamaresi manga imam tadea'u i mangitou mangngonggollu manga sasamba ringannu olangnge apan ipaapulun Mawu.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

DARALO 118:27

Mawu uddewe Ruata, i Tou naungnge masaṛṛionto'a si ite. Inaite amatte suadio'a ringannu rannan kalu aagasanna, wuṛṛu pamal᷊iwutte mezbah Mawu.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.