DARALO 51:16 - WUKE SUSI WATTI'U AL᷊AL᷊USASSA

¹⁶ Liuaawe i ya'u wuassu papate, oh Ruata mananal᷊ama'u, ne ringannu lullala'a i ya'u sarun mamasingkattu atatul᷊iddu Mawu.

DARALO 51:16 Referans Kwoze

DARALO 40:6

Mawu, anambone eteapa inolaan-Nu si yami, oh Mawu Ruata'u, I'o taweddu panumandinganne! Tumaniten manambo ṛiin-Nu apan maatiangnga si yami, tawe iawatti'a abbi.

HOSEA 6:6

i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

DARALO 50:8

Wal᷊ine ana waugu sasambanu i Ya'u mangansilla si yamiu; sasamba itattambunnu sidutu udde su saruang-Ku.

YEREMIA 7:27

Wua'udde Mawu nabbisara, “Ana waugu udde, ei Yeremia, salaiwe i'o mamasingkattu sarangkanambone udde su walahang-Ku, i mangitou maddiri massunna manga wisaranu. Salaiwe i'o mamaggo si mangitou, i mangitou tawe sumimbakka.

TAHIUL᷊E 22:22

Amungkangngu sangkatou esakka niataappa i tou uatatamban awingngu taumata waine, itarua ṛinone iṛṛuumanna pateanna. Ringannu aroddi yamiu mangnginsue al᷊al᷊eo udde.

REENGANNA 15:27

Amungkangngu tumba'u sangkatou na'ola'a rosa ringannu tawe nipattudda, ne i tou ṛinone mangonggolu sambau ambinga wawine uukke santonna maola'a sasamba aampungnga rosa.

SASABANGNGA 21:14

Arawe amungkangngu sangkatou masa'u wuṛṛu ringannu nipattatudda mamate taumata waine, wua'udde i tou tumal᷊angnga su mezba-U tadea'u maasomba tul᷊unganna, taumata udde ṛinone al᷊apanna wuassu mezbah wuṛṛu iṛṛuumanna pateanna.

REENGANNA 35:31

Sangkatou taṛṛa pate ṛinone iṛṛuumanna pateanna. I tou tawe wotongnge maawaekka ṛuumanna udde ringannu roitta.

2 SAMUEL 12:9

Anio tawe maddaringikka manga parenta-U? Anio i'o na'ola'a al᷊al᷊eo? I Uria nirolokku niapapate sulal᷊ummu pangalo; i tou niwalanu nipaten taumatan Amon, wuṛṛu i'o nanganu awingnge!

DARALO 71:15

Su al᷊o'engngu allo i ya'u mabbatti'u manga inolaan-Nu apan matul᷊idda, wuṛṛu asasal᷊amatta wuas-Si'o apan tawe iareengnga.