DARALO 51:14 - WUKE SUSI WATTI'U AL᷊AL᷊USASSA

¹⁴ Olaawe i ya'u mal᷊uassa apia ana waugu asasal᷊amatta wuas-Si'o, i ya'u onggol᷊ewen naungnga apan sidutu matuṛutta Si'o.

DARALO 51:14 Referans Kwoze

DARALO 35:28

Ne i ya'u sarun mamasingkatu atatul᷊iddu Mawu, wuṛṛu maddalo Si'o su al᷊o'engngu allo.

2 SAMUEL 12:9

Anio tawe maddaringikka manga parenta-U? Anio i'o na'ola'a al᷊al᷊eo? I Uria nirolokku niapapate sulal᷊ummu pangalo; i tou niwalanu nipaten taumatan Amon, wuṛṛu i'o nanganu awingnge!

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

DARALO 26:9

I ya'u arie pappate suadio'a ringannu taumata marosa, ara'e manawutta niawa'u suadio'a ringannu taṛṛa pate.

PANDARIADDI 9:6

Taumata niola'a lihidde ere i Ya'u; ana waugu udde, isai-sai apan mamate taumata, i tou sassane sarun pateannu taumata lai.

WATTI'U MANGA RASUL 20:26

Ana waugu udde ringannu atonna i ya'u mabbisara si yamiu allo indi manungku amungkangngu su wallatti yamiu apan piaddu mate, udde wal᷊ine sal᷊a'u.

WATTI'U MANGA RASUL 18:6

Arawe ana waugu manga taumata sidutu mannompolla wuṛṛu mangngal᷊uandaga si tou, ne i Paulus nangesogen awu wuassu laungnge, maola'a sambau pananaunganna si mangitou su pasasal᷊a mangitou. I tou nabbisara, “Amungkangngu i yamiu nasilaka, sal᷊anu sassane! I ya'u waggate! Manattakka orassa indi ya'u inaite ringannu manga taumata apan wal᷊ine Yahudi.”

HABAKUK 3:18

i ya'u sidutu lulluassa, ana waugu I'o Mawu Ruata mananal᷊ama'u.

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

DANIEL 9:7

Oh Mawu, manara-Nu sidutu naṛṛino wuṛṛu matul᷊idda, arawe i yami sidutu mandantan asasili su watangani yami, eteudde i yami sarangkanambone apan uatana'a su Yudea wuṛṛu su Yerusalem wuṛṛu anambon taumata sambalahanni yami apan buatte nisal᷊iawukku Mawu watukku manga wanua apan marau wuṛṛu marani ana waugu i mangitou tate matuṛṛutta su Mawu.

YEHEZKIEL 33:8

Amungkangngu i Ya'u mamasingkatta manungku sangkatou taumata lal᷊eo sarun mate, arawe i'o tawe napanaungngi tou tadea'u i tou mamal᷊u pallal᷊agune ma'oman sara i tou masal᷊amatta, ne i tou sarun mate ta'e sangkatou apan marosa. Arawe pandansilanannu papatene sarun Ta'u doronganna si'o.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

DARALO 88:1

Aantari. Daralon ṛuanganni Korah. Su piaṛṛa'u mangangantari. Tumuṛṛuttu aantari: Mahalat Leanot. Aantari tatantiron Heman taumatan Ezrahi.

DARALO 68:20

Paddalote Mawu, ana waugu ete i Tou Ruata apan nanal᷊amatta si ite; wuassu allo maddatingu allo i Tou uapasanna winabbawan kite.

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

DARALO 38:22

Oh Mawu, ariewe manantangku, ariewe marau wuassia'u, oh Ruata'u.

DARALO 25:5

Aṛṛa'e wuṛṛu tantiroiwe i ya'u su ipabbiakka tuttuṛuṛutta apulu-Nu, ana waugu ete I'o Ruata apan nanal᷊amatta si ya'u, i ya'u sidutu uaantimma Si'o.

NEHEMIA 9:33

Manara-Nu matul᷊idda, niṛṛuuman-Nu i yami apan marosa; I'o sidutu satia salaiwe i yami napenen sangkulla.

EZRA 9:13

I yami buatte na'ola'a rosa wuṛṛu nilumawangnga tita-Nu, wuṛṛu I'o buatte nakkuumanni yami. Arawe yami masingkatta, oh Ruatan kami, manungku ṛuumanna apan nionggollu Mawu udde tawe tumanin mawakkatta apan ṛinone sengkamanni yami, ewe'e I'o ta'e lai nanalamatta si yami.

2 SAMUEL 21:1

Sutempo i Daud uaparenta, nariaddite tempon elessa apan al᷊annune tallu tonna nattinggumma. Ana see i Daud naddorongnga tatantiro wuassu Mawu su ola'u arariadianna udde, wuṛṛu Mawu nabbisara, “Elessa indi ana waugu pasasal᷊an Saul wuṛṛu amonanne, i mangitou buatte namate manga taumatan Gibeon.”

2 SAMUEL 3:28

Sutempo i Daud naaringikka olangnge udde, i tou nabbisara, “Mawu masingkatta manungku i ya'u wuṛṛu tumana'u soa'u tawe sal᷊ane su ola'u pamamate si Abner udde.

PANDARIADDI 42:22

I Ruben nabbisara, “Wal᷊inewe dorone i ya'u buatte nabbisara si yamiu tadea'u ana'a udde arie lal᷊eoanna. Arawe i yamiu madiri maddaringikka. Ne orassa indi papatene niwal᷊issanna si ite.”