DARALO 51:13 - WUKE SUSI WATTI'U AL᷊AL᷊USASSA

¹³ Ariewe mandamme'u wuassu saruan-Nu, wuṛṛu ariewe mangal᷊appa gaṛṛaho-Nu apan susi wuassi ya'u.

DARALO 51:13 Referans Kwoze

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

WATTI'U MANGA RASUL 15:3

Jamaatta su Antiokhia nanguntudi mangitou na'oman sara su liuddu soa, wua'udde i mangitou inaite nabatukku Fenesia wuṛṛu Samaria. Poiaroddi i mangitou nabbati'u ereapa manga taumata apan wal᷊ine Yahudi suete nanantillu watanganne su Ruata. Watti'a udde naal᷊uassa manga taumata mangngimanna isudde.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

MATIUS 18:3

See Mawu Yesus nabbisara, “Pangimante! Tumba'u amungkangngu yamiu mawal᷊u wuṛṛu maola'a ere al᷊aṛṛana'a, i yamiu sarun maola'a lal᷊oṛṛon araratuannu Ruata.

YEREMIA 31:18

I ya'u naaringikka umattu Israel mabbisara napenen asasusa, ‘Oh Mawu, i yami naal᷊ihidda winatangnga apan taambe niaṛṛaro arawe ninaram-Mu i yamiu ringannu matuṛṛutta wuṛṛu orassa indi i yami nasaddiate mabbelengnga ringan-Nu. Nariaddi, apira'e i yami mapul᷊e, oh Mawu, Ruatang kami.

YESAYA 6:10

Ana see i Tou nabbisarate si ya'u, “Paal᷊umua'a ṛingirannu manga taumata udde, paawengel᷊a'a tal᷊ingane wuṛṛu paawuta'a matane, tadea i mangitou tawe maasilo, maddaringikka ara'e maasunna, ana see mabbelengnga ringang-Ku wuṛṛu maola'e mapia.”

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

DARALO 25:8

Ana waugu Mawu mapia wuṛṛu matul᷊idda, I'o namantingiddu lal᷊anna su taumata apan nial᷊iwune.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

DARALO 25:4

Pantingira'e apulu-Nu si ya'u, oh Mawu, pasingkata'e apa apan ṛinone ta'u olaanna.

2 MARARATU 17:18

na'oman sara i Tou nasa'u atonna si mangitou wuṛṛu tate lai ma'ellega si mangitou. I Tou nandammen mangitou wuassu leta'a apan nionggoli Tou si mangitou; apan natantanga tumba'u araratuannu Yehuda.

2 MARARATU 17:20

ne Mawu lai tate nanga'u anambon walahannu Israel. I Tou nakkuumanna wuṛṛu nanantili mangitou su manga seetti mangitou apan mal᷊aṛṛaga. I Tou tate lai umakkanni mangitou, ewe'e i mangitou niramme wuassu leta'a apan buatte nionggoli Tou si mangitou.

2 MARARATU 17:23

na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.