DARALO 51:1 - WUKE SUSI WATTI'U AL᷊AL᷊USASSA

¹ Su piaṛṛa'u mangangantari. Daralo niarangngi Daud

DARALO 51:1 Referans Kwoze

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

DARALO 51:9

Ukkasawe i ta'u, ne i ya'u sarun mawaresi; ukkasawe i ya'u, ne i ya'u sarun mabbiranne wuassu sangarenna.

KOLOSE 2:14

wuṛṛu tate nanusi surattu utangnga su saruanni ite, apan nangonggolu atoranna mawakkata si ite. Ringannu nangarussan suratta udde su alu arussa, Ruata namappassa anambon aalae su saruanni ite.

DARALO 69:16

Arie pabbala'a i ya'u ielekku lua'u ṛuabba, wuṛṛu mawul᷊ussa su wantan tahal᷊oangnga ara'e ilabbinga sulal᷊ummu loṛṛangnga.

2 SAMUEL 11:2

Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 4:1

Su piaṛṛa'u mangangantari. Ringannu nanalanga kecapi. Daralon Daud.

LAL᷊ALLU 3:32

Napawe i Tou nangonggollu asasusa i Tou lai mandangngu, ana waugu i Tou sidutu tuttal᷊antuppi ite ringannu darangngu apan tawe pattaal᷊anne.

DARALO 119:124

Olaawe i ya'u uasul᷊ungngu darangngu-Nu, wuṛṛu i ya'u tantirowen raṛṛawen-Nu.

DARALO 109:21

Arawe ontol᷊ewe i ya'u ere buatte nipa'ire-Nu, oh Mawu Ruata'u, sal᷊amatewe i ya'u ana waugu apapia wuṛṛu darangngu-Nu.

DARALO 40:11

Watti'u asasal᷊amatta udde tawe ta'u sinahipunna sulal᷊ummu naungnga, aontolla wuṛṛu papadul᷊i-Nu sidutu ta'u iapasingkata. Su saruannu ammul᷊annu al᷊aṛang-Ngu i ya'u tawe mal᷊annaba, arawe i ya'u mammasingkatu darangngu wuṛṛu papadul᷊i-Nu.

DARALO 5:7

I'o mammate manga taumata taṛṛa wahia, taṛṛa l᷊inga wuṛṛu taṛṛa pate aellehan-Nu addio'a.

DARALO 106:7

Sutempo su Mesir al᷊amonan kami tawe maasunna; manara-Nu apan maatiangnga tawe asunnanni mangitou. I mangitou naabul᷊in darangngu-Nu apan nilumambalanna, wuṛṛu su maranin Tahal᷊oangngu Gelagah i mangitou nilumawanga Apan Atanggaṛṛanne.

DARALO 69:13

I ya'u nabbal᷊i ipaal᷊umeme su tampa taumata uaammula, wuṛṛu antarin manga taṛṛa wu'anna su ola'u riri'u.

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.

DARALO 77:9

Apa i Tou nangillol᷊ote mandangngu si yami? Apa i Tou tate manipussa paaire-Ne apia?

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

NEHEMIA 4:5

Arie mangampungnga pasasal᷊an mangitou wuṛṛu arie mangampunga rosan mangitou, ana waugu i mangitou buatte nallobbossa si yami apan tantal᷊anna mammanara indi.”

YEREMIA 18:23

Arawe I'o, Mawu, masingkattu sarangkanambone apan ihagol᷊agi mangitou ipanginsue niawa'u. Ana waugu udde, arie mangampungnga si mangitou; arie pamappassa pasasal᷊a mangitou. Puulle i mangitou ma'oman sara manawo. Pandonate si mangitou sulal᷊ummu asasa'u-Nu.”