DARALO 50:5 - WUKE SUSI WATTI'U AL᷊AL᷊USASSA

⁵ Wisara-Ne, “Ammul᷊a'e anambon al᷊aṛṛana-U, apan buatte nabaiddu paaire si Ya'u, wuṛṛu ringannu nanohassu sasamba apan niṛata.”

DARALO 50:5 Referans Kwoze

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

DARALO 97:10

Ei i yamiu apan mandangngu Mawu, aratinten al᷊al᷊eo! Ana waugu Mawu ual᷊u'adda wiakku al᷊aṛanang-Nge, i Tou namallossi mangitou wuassu taṛṛinon taumata lal᷊eo.

DARALO 30:4

I'o nalliu'u wuassu runian papate, wuṛṛu namiakka si ya'u wuassu wallatu manga taumata nate.

AMSAL 2:8

Mawu ual᷊u'adda manga taumata apan ma'ola'a atatul᷊idda wuṛṛu mannillumma si mangitou apan marangngu si Tou.

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

YESAYA 13:3

Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.

2 TESALONIKA 2:1

Su ola'u daranta Mawun kite Yesus Kristus, wuṛṛu su ola'u i ite iammulle iapaatana'a suaddio'a ringanni Tou, ete indi ta'u doronganna si yamiu: