DARALO 50:23 - WUKE SUSI WATTI'U AL᷊AL᷊USASSA

²³ Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

DARALO 50:23 Referans Kwoze

DARALO 91:16

I Tou sarun Ta'u onggol᷊annu uukka mal᷊o'engnga, wuṛṛu Ta'u iapasal᷊amatta.”

DARALO 86:12

I ya'u maadiangkamanna Si'o ringannu ahewallu naungku, oh Mawu Ruata'u; i ya'u maddalote awawantu-Gu saran mal᷊annu-l᷊annu.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

WATTI'U MANGA RASUL 13:26

Manga tuṛṛangnga papapulunni Abraham, wuṛṛu manga tuṛṛangnga waine apan isindi apan tuttuṛṛutta Ruata! Ruata suete nangonggolu Watti'u Asasal᷊amatta udde si ite;

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

LUKAS 2:30

Ana waugu ringannu mata'u sassane, i ya'u suete naasilo Punnu Sal᷊amatta wuassu Ruata.

DARALO 85:13

Mawu nangongolu apianne, ne leta'i ite sarun mangonggolu hessine.

GALATIA 1:24

Ne i mangitou nadalote Ruata ana waugu i ya'u.

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 1:15

Arawe, ṛinone i yamiu susi su al᷊awo'u inolaanni yamiu, ere lai Ruata apan namaggo si yamiu udde susi.

GALATIA 6:16

Su taumata apan mabbiakka ringannu ṛingidda udde, aroddi lai su anambon al᷊aṛṛana'u Ruata, i ya'u mangngantima Ruata sarun mangonggolu paddarame wuṛṛu al᷊aman-Ne.

ROMA 15:9

Mawu Yesus lai na'ola'a manga walahanna waine mammantuga Ruata ana waugu apapia naungnge si mangitou. Sulal᷊ummu Wuke Susi uawoṛṛetta arendi, “Ana waugu udde i ya'u maddalo Si'o su wallattu manga walahanna, i ya'u sarun mangantari aantarin daralo ipaddalo aran-Nu.”

ROMA 15:6

Ringannu naungnga sambau tuṛṛangnga sarangkanambone wotongnge maddalo Ruata, Iamangngu Mawun kite Yesus Kristus.

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.

WATTI'U MANGA RASUL 11:14

I tou sarun mamasingkatta si'o watti'a apan ma'asal᷊amatta si'o wuṛṛu lal᷊oṛṛon bal᷊enu.’

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

DARALO 27:6

Orassa indi i ya'u naauntunga su see'u apan uapal᷊iwutta si ya'u; ne ringannu u'uin lal᷊ala'a i ya'u mangonggolu sasamba aadiangkamanna su Wal᷊en-Nu; i ya'u maapulu mangantari wuṛṛu maddalo Mawu.

DARALO 22:23

Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

DARALO 34:5

I ya'u niumal᷊iomanna su Mawu, wuṛṛu i Tou sinumimbakka, wuṛṛu i ya'u nipallossa wuassu atata'utta.

DARALO 120:1

Aantarin patatembo. Sulal᷊ummu asasusa'u i ya'u ma'ial᷊are su Mawu, ne i Tou sinumimbakka si ya'u.