DARALO 50:18 - WUKE SUSI WATTI'U AL᷊AL᷊USASSA

¹⁸ Amungkangu i'o maasilo sangkatou taṛṛa ta'o, i'o tumantalonga si tou, wuṛṛu i'o uahahawen manga taumata sussandaga.

DARALO 50:18 Referans Kwoze

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

MATIUS 23:30

Wuṛṛu i yamiu mabbisara, ‘Unnu wisara i yami mabiakka su tempon iupungngu al᷊amonang kami dorone, i yami tawe tinumantalongnga ringanni mangitou namate manga nabi.’

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

2 SAMUEL 13:5

Ana see i Yonadab nabbisara si tou, “Udde mal᷊uassa! Lallowangke su tatattereanna, wuṛṛu pangawusute maradda'a. Napawe iamangngu rumanta mattembo si'o, wal᷊oa'a si tou, ‘Papa, wala'ewe i Tamar rumanta tadea'u i tou mangonggollo anna si ya'u. Amungkangu wotongnge i ya'u lai ma'ellega si tou mallaha anna isindi, ya'u wotongnge umanna.’ ”