DARALO 50:15 - WUKE SUSI WATTI'U AL᷊AL᷊USASSA

¹⁵ Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 50:15 Referans Kwoze

DARALO 107:28

Sulal᷊ummu asasusa i mangitou sussal᷊ande Mawu, ne i Tou namallosi mangitou wuassu asasusa.

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

DARALO 107:19

Sulal᷊ummu asasusa i mangitou ma'ial᷊are su Mawu, wuṛṛu i Tou namallosi mangitou wuassu asasusa.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

YAKOBUS 5:13

Amungkangu su wallatti yamiu pia sangkatou apan tantal᷊anna massusa, ṛinone i tou umal᷊iomanna. Amungkangu piaddu lulluassa, ṛinone i tou mangantari maddalo Ruata.

LUKAS 22:44

Mawu Yesus tumaniten uatataṛṛangnga sansara sulal᷊ummu naung-Nge na'oman sara i Tou u'al᷊iomanna atonna-tonna. Liahane naal᷊ihida raṛṛa tutturo su leta'a.]

AYUB 22:27

Amungkangngu i'o umal᷊iomanna, i Tou sarun sumimbakka si'o, wuṛṛu i'o wotongnge manipussa anambon paairenu.

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

YOHANES 15:8

Amungkangngu i yamiu mabua manambo, Iamang-Ku wantuhanna; wuṛṛu ringannu aroddi yamiu atonna-tonna maola'a mallal᷊aṛṛenggeng-Ku.

DARALO 77:2

Ringannu ma'ikkata i ya'u sussal᷊ande su Ruata; ringannu ma'ikkata i ya'u sussal᷊ande, ne i Tou naddaringikka si ya'u.

DARALO 22:23

Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

MAL᷊AṚṚUUNGNGA 15:19

Ne Ruata namu'a loṛangngu wuiddu watu su Lehi udde, ana see sinumabbangke ua'e wua' isudde. I Simson na'inumpe, ana see naapendampe matohassa apia. Ana waugu udde al᷊imatan ua'e udde nisaggo Al᷊imatan Ua'en Hakor. Al᷊imatan ua'e indi ta'e pia sara orassa indi su Lehi.

2 MARARATU 20:2

I Hizkia nanaile watukku darandunga ana see inumal᷊iomanna,

2 TAWARIKH 20:9

manungku amungkangu i mangitou iṛṛuumanna ana waugu rosan mangitou, wuṛṛu i mangitou naṛṛiaannu pangalo, sa'itta, ara'e ṛutumma, i mangitou wotongnge rumanta ringan-Nu, wuṛṛu rumarisikka su saruannu wal᷊en patataṛamawuanna indi. Sulal᷊ummu asasusan mangitou, i mangitou wotongnge umal᷊iomanna Si'o, wuṛṛu I'o sarun maddaringikka wuṛṛu umontolla si mangitou.

DARALO 4:2

Oh Ruata, ete I'o apan uasamba'a si ya'u; simbakke amungkangu i ya'u sumal᷊ande. Sutempo i ya'u susa, I'o mantul᷊ungku; orassa indi tal᷊antupaawe i ya'u wuṛṛu daringiṛṛewe aal᷊iomangku.

DARALO 34:5

I ya'u niumal᷊iomanna su Mawu, wuṛṛu i Tou sinumimbakka, wuṛṛu i ya'u nipallossa wuassu atata'utta.

DARALO 34:7

Taumata su asasilaka sussal᷊ande, ne Mawu sinumimbakka, namallossi tou wuassu asasusane.

DARALO 77:3

Sutempon asasusa i ya'u niumal᷊iomanna su Mawu, su al᷊o'engngu ṛabbi i ya'u mammatten lima'u si Tou tawe illol᷊one, arawe naungku tawe awinalatanna.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 86:7

Sutempon asasusa i ya'u u'al᷊iomanna Si'o, ana waugu I'o sinumimbakka si ya'u.

DARALO 120:1

Aantarin patatembo. Sulal᷊ummu asasusa'u i ya'u ma'ial᷊are su Mawu, ne i Tou sinumimbakka si ya'u.

YEREMIA 39:17

Arawe i Ya'u, Mawu, sarun mallu'adda si'o. I'o tawe itantilla su manga taumata apan iaata'unnu.