DARALO 50:14 - WUKE SUSI WATTI'U AL᷊AL᷊USASSA

¹⁴ Onggola'e sasamba adiangkamanna su Ruata, panipusse paairenu si Tou Apan Atanggaṛṛanne.

DARALO 50:14 Referans Kwoze

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

DARALO 56:12

I ya'u mangngimanna si Tou, ne i ya'u tawe mata'utta, taumata tawe maal᷊ore su saruangku.

TAHIUL᷊E 23:21

Amungkangngu i yamiu maddiandin sambau saranapa su Mawu Ruatanu, imbaṛṛangnga isoṛṛotta manipussa riandi udde, ana waugu Mawu Ruatanu sidutu mannusi, wuṛṛu i yamiu narosate amungkangu tawe manipussa.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

DARALO 76:11

Manga taumata apan tumaniten mal᷊aṛṛaga lai maddalo Si'o, wuṛṛu apan ta'e massa'u ual᷊uṛen nasa tatiala lullal᷊o.

1 TESALONIKA 5:18

Sulal᷊ummu alawo'u inolaanna ṛinone i yamiu maadiangkamanna, ana waugu eteudde ipaapulun Duata wuassi yamiu taumata apan mabbiakka uaaukka ringanni Kristus Yesus.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

DARALO 147:1

Paddalote Mawu! Ana waugu mapiawe maddalo si Tou, wuṛṛu malluassa mangngantarin daralo si Tou!

DARALO 65:1

Su piaṛṛa'u mangangantari. Daralon Daud. Antari.

DARALO 27:6

Orassa indi i ya'u naauntunga su see'u apan uapal᷊iwutta si ya'u; ne ringannu u'uin lal᷊ala'a i ya'u mangonggolu sasamba aadiangkamanna su Wal᷊en-Nu; i ya'u maapulu mangantari wuṛṛu maddalo Mawu.

DARALO 22:25

Ana waugu i Tou tawe ma'ellega dal᷊eo su taumata lal᷊ebone, wuṛṛu tawe mangaddio'a asasusane. I Tou tawe mabbiṛṛu wuassu taumata udde, arawe maddaringikka amungkangu i tou maiontola si Tou.

DARALO 61:8

Antimanna i tou mamarenta saran mal᷊annu-l᷊annu naola'a ratu nipile-Nu, oh Ruata, lu'arewe i tou ringannu darangngu wuṛṛu apapia-Nu.

TAHIUL᷊E 23:22

I yamiu tawe marosa amungkangngu tawe naddiandin Mawu.

TAHIUL᷊E 23:23

Arawe amungkangngu i yamiu ringannu apulun naungngu maddiandin Mawu Ruatanu ṛinone i yamiu manipussa riandi udde.

TAHIUL᷊E 23:24

Amungkangngu i yamiu tantal᷊anna u'amatta su waillu anggoru taumata waine, i yamiu wotongnge umanna wuan anggore walate apulun kamiu, arawe imbaṛṛangnga mangalludda itaṛṛo su so'anna.

AYUB 22:27

Amungkangngu i'o umal᷊iomanna, i Tou sarun sumimbakka si'o, wuṛṛu i'o wotongnge manipussa anambon paairenu.

DARALO 22:26

Supattangannu ammul᷊annu taumata i ya'u maddalo Si'o, ana waugu sarangkanambone apan buatte niolang-Ngu. Su saruannu taumata apan mangngimanna i ya'u nangonggolu sasamba apan ta'u pina'ire.

DARALO 69:32

Udde lembon ipaapulun Mawu wuassu sasamba sapi, sasamba sapi wahewalla.

DARALO 76:12

Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.

NAHUM 2:1

Ei Niniwe, paddaringikka! Apan sarun manggohakka si'o nirumantate! Riagaite manga tanda'a watu pattillummanna! Lu'arete lalanna! Pandiahite mapapangalo. (