DARALO 5:4 - WUKE SUSI WATTI'U AL᷊AL᷊USASSA

⁴ Ana waugu tumba'u Si'o i ya'u umal᷊iomanna, oh Mawu, daringiṛṛewe sasal᷊ande'u sutempo marua allo. Marua allo i ya'u mangapiddu sasamba'u wuṛṛu i ya'u uaṛṛaddo sasimbak-Ku, oh Mawu.

DARALO 5:4 Referans Kwoze

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

DARALO 140:13

I ya'u masingkatta I'o nangonggolu atatul᷊idda su taumata apan niallangnga, wuṛṛu nanamba'a hatton taumata asiangnga.

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

HABAKUK 1:13

Arawe ereapa I'o maataṛṛangnga ma'ellega manga taumata lal᷊eo apan maṛṛagissa udde? Wal᷊inewe I'o tumaniten susi ipa'ellega al᷊al᷊eo? Wal᷊inewe I'o tattaṛṛa muta ma'ellega tawe atatul᷊idda? Nariaddi, anio I'o sidutu mal᷊annaaba sutempo taumata na'ukkassa niṛṛimunsa'u taumata lal᷊eo?

DARALO 92:15

alu apan ta'e mabbua sutempo i tou nahurangke, sidutu nangelomma wuṛṛu masuwukka.

2 PETRUS 3:13

Arawe i ite uaṛṛaddo apa apan suete pina'iren Duata, eteudde langitta wakku wuṛṛu runia wakku, isudde mangke pia atatul᷊idda.

DARALO 101:7

Taṛṛa wahia tawe wotongnge matana'a su wal᷊e'u; taṛṛa awusu tawe maataṛṛangnga su saruangku.

DARALO 94:20

I'o tawe maammulu manga mallaṛṛuunga lal᷊eo, apan manggol᷊agu al᷊al᷊eo ringannu sasarianne tita.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

DARALO 63:2

Oh Ruata, ete I'o Ruata'u, i ya'u maddea'a wuṛṛu laṛṛintulu'u I'o. Naal᷊ihidda leta'a maṛṛasa maroun kua'e, aroddi lai i ya'u maroun Mawu.

DARALO 88:14

Arawe i ya'u sumal᷊ande tatul᷊ung-Ngu, oh Mawu, suapan marua allo i ya'u u'al᷊iomanna Si'o.