DARALO 47:9 - WUKE SUSI WATTI'U AL᷊AL᷊USASSA

⁹ Ruata ua'ianna su adderan araratuan-Ne apan susi; i Tou uaparenta manga walahanna.

DARALO 47:9 Referans Kwoze

DARALO 89:18

I'o nangonggolla si yami auntunganna apan wahewalla, ana waugu ete apapia-Nu i yami naauntungnga.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

DARALO 97:9

Ana waugu I'o, oh Mawu, tembonannu ahewallu runia; I'o mawantuga nangillembo wuassu al᷊awo'u monganna.

DARALO 72:11

Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.