DARALO 47:6 - WUKE SUSI WATTI'U AL᷊AL᷊USASSA

⁶ Ruata niuma'iante su adderan araratuan-Ne, tatantalongannu hio wuṛṛu tingikku wiṛṛonganna.

DARALO 47:6 Referans Kwoze

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

DARALO 68:4

Arawe taumata ma'imanna lullala'a wuṛṛu lulluassa, i mangitou mangngintul᷊in al᷊al᷊uassa su saruannu Ruata.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

DARALO 145:1

Daralon Daud. I ya'u mamantuga Si'o, oh Ruata'u wuṛṛu Ratu'u, wuṛṛu maddalo Si'o sangkal᷊o'engnge.

MATIUS 27:37

Su pua-Ne i mangitou nangadon woṛṛetta su ola'u pinangalaen Tou eteudde: “Indiwe Mawu Yesus ratun taumatan Yahudi”.

1 TAWARIKH 16:9

Pangantariten daralo su Mawu, pasingkata'e anambon manara-Ne apan ma'atiangnga.

DARALO 89:18

I'o nangonggolla si yami auntunganna apan wahewalla, ana waugu ete apapia-Nu i yami naauntungnga.

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

SASABANGNGA 15:21

I Miryam nangantarin aantari mangitou, “Pangantarite paddalo Mawu, ana waugu i Tou naauntungnga ringannu mapia atonna. Anambon awal᷊o wuṛṛu sumasa'ene nituntungngi Tou sulal᷊ummu Tahal᷊oangnga.”

1 TAWARIKH 15:28

Anambon taumatan Israel inaite tinumantalongnga Wantallu Paaire naddatingngu Yerusalem ringannu aintul᷊i lullala'a, tingikku trompeta, nafiri, simbal wuṛṛu kecapi.