DARALO 45:7 - WUKE SUSI WATTI'U AL᷊AL᷊USASSA

⁷ Ruata nangonggola si'o taṛṛino ipamarenta, taṛṛinonu uata'a saran mal᷊annu-l᷊annu; ringannu atatul᷊idda i'o mammarenta tumana'u soanu.

DARALO 45:7 Referans Kwoze

IBRANI 1:9

I'o ma'apulun atatul᷊idda, wuṛṛu maddantinu awawengkola; ana waugu uddewe Ruata, Ruata-Nu namile Si'o, wuṛṛu nangonggolu awawantuga Si'o apan mandantan al᷊al᷊uassa, nilumambalanna wuassu manga hawe-Nu.”

DARALO 21:6

Ana waugu tul᷊ungannu Mawu i tou nabbal᷊i aadatanna, I'o na'ola'a si tou tinumelengnga wuṛṛu mawantuga.

DARALO 33:5

I Tou marangngu apapia wuṛṛu atatul᷊idda; ahewallu runia nepenen darangngu-Ne.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

WATTI'U MANGA RASUL 2:28

I'o suete namantingidu lal᷊anna si ya'u ipatuddan wiakka apan tutune. Al᷊al᷊uassa sia'u ete niapangillembo ana waugu I'o sidutu uatantalongnga si ya'u.’

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

DARALO 101:8

Miallo-miallo i ya'u sarun manginsue manga taumata lal᷊eo su wanua indi. Manga taumata apan ma'ola'a al᷊al᷊eo sarun ta'u limbuaṛṛanna wuassu soan Mawu.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

DARALO 89:26

Araratuanne sarun Ta'u hewal᷊anna, wuassu Tahal᷊oangngu Tangngane maddatingngu Sal᷊ukku Efrat.

DARALO 89:20

Sutempo dorone sulal᷊ummu sambau sondappa, I'o nabbisara su manga allang-Ngu apan matuṛṛutta, “I Ya'u buatte nantul᷊ungngu sangkatou atumannaṛṛane, sangkatou apan Ta'u nipile wuassu tumana'u soa apan Ta'u nitanggakka.

DARALO 11:7

Ana waugu Mawu mapia wuṛṛu matul᷊idda, I Tou mandangngu taumata apan inolaanne mapia; taumata matul᷊idda sarun maasilo wuṛṛu maailal᷊a Mawu.

LUKAS 3:22

wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

MATIUS 3:15

Arawe Mawu Yesus nisumimbakka, “Wala'e aroddi su orassa indi. Ana waugu ringannu aroddi i ite ma'ola'a al᷊awo'u apa apan ipaapulun Ruata.” Nariaddi Yohanes nanaṛṛanite Mawu Yesus.

DARALO 2:2

Manga Ratun dunia sangkawuatta wuṛṛu manga tembonanne ma'ire lumawanga Mawu wuṛṛu ratu apan nipile-Ne.

1 MARARATU 19:16

Pa'ola'e aroddi lai si Yehu ana'i Nimsi, tadea'u i tou maola'a ratun Israel, wuṛṛu si Elisa ana'i Safat wuassu Abel-Mehola, tadea'u i tou maola'a nabi mallolossa si'o.

IMAMATTA 8:12

Wua'udde i Musa nanenegi Harun ringannu nallal᷊innu addio'a lanan lal᷊aghu su puane.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

LUKAS 13:27

Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’

MATIUS 7:23

Arawe i Ya'u sarun sumimbakka, ‘I Ya'u taambe saran paassa naaillal᷊a si yamiu! Roote paarau wua isindi, yamiu apan ma'ola'a al᷊al᷊eo!’ ”

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.