DARALO 45:2 - WUKE SUSI WATTI'U AL᷊AL᷊USASSA

² Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

DARALO 45:2 Referans Kwoze

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

YOHANES 7:46

Manga mandariaga udde sinumimbakka, “Ah, taambe saran paassa pia taumata mabbisara naal᷊ihida ere i Tou!”

DARALO 21:6

Ana waugu tul᷊ungannu Mawu i tou nabbal᷊i aadatanna, I'o na'ola'a si tou tinumelengnga wuṛṛu mawantuga.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

ANTARI MAWANTUGA 2:3

Naal᷊ihidda punnu apel su pattangngannu aaluanna su mahurangnge, aroddi lai tatuno naungku suwallattu manga umbasanna. I ya'u mal᷊uassa maasirungnga su al᷊ungnge, manga wuanne mangkatemangnga pendamanna.

AMSAL 22:11

Taumata apan mappulun atatul᷊idda wuṛṛu mapia wisarane, sarun maola'a hawen datu.

MATIUS 17:2

Su saruanni mangitou, Mawu Yesus nawal᷊u saṛṛene: Hati-Ne nabal᷊i masemakka ere matannallo wuṛṛu laung-Nge mawira lullendapa.

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

AMSAL 5:2

tadea'u i'o masingkatta ereapa ṛinone mangapiddu watangannu wuṛṛu mabbisara ere taumata apan pia asingkatta.

YESAYA 33:17

Sarun a'omanna tempone i yamiu maasilo sangkatou ratu apan mammarenta ringannu mawantuga su wanua apan uawatadda su ahewallu pi'une.