DARALO 44:2 - WUKE SUSI WATTI'U AL᷊AL᷊USASSA

² Oh Ruata, i yami naaringikke sassane wa'e apan niwatti'u al᷊amonan kami su ola'u manara wahewalla apan buatte niolang-Ngu sutempo dorone.

DARALO 44:2 Referans Kwoze

SASABANGNGA 15:17

Ana see Israel niuntudda watukku tampa apan buatte nipile-Nu maola'a atatanaan-Nu. I mangitou namanua su wuiddu Mawu apan susi, su Wal᷊en apan buatte niolang-Ngu sassane.

DARALO 78:55

Su saruannu al᷊aṛṛanang-Nge i Tou nallimbuakka tumana'a isudde ana see i Tou nattahia wanua udde su anambon ṛuangannu walahannu Israel, al᷊aṛṛanang-Nge, na'oman sara i mangitou napamanua su manga rasannu seetta.

2 SAMUEL 7:10

See lai pabbawala-U Israel buatte Ta'u nisaddianna tampa wuṛṛu Ta'u nirolokka i mangitou mamanua isudde, tadea'u i mangitou wotongnge mabbiakka ringannu matammudda, taweddu manal᷊awa'a lai. Ro'en i mangitou naranta su leta'a indi dorone, wuṛṛu lai Ta'u nitenega manga piaṛṛa'i mangitou, i mangitou buatte nipangaloannu manga taumata apan maapulun araṛṛagissa, arawe olangnge udde tawe nariaddi apia. I Ya'u maddiandi manungku i'o sarun marau wuassu al᷊awo'u hatin seetta, wuṛṛu i Ya'u lai sarun mangonggollu papapulunna si'o.

YOSUA 21:43

Etearoddi Mawu nangonggolu ahewallu leta'a su ṛuangannu Israel apan buatte pina'ire-Ne ringannu sasalu su iupungngu al᷊amonan mangitou. Napawe naapanganute wanua udde, ṛuangannu Israel namanuate poiaroddi.

YOSUA 11:23

Ahewallu wanua udde niaṛṛon Yosua ere buatte nirolokku Mawu si Musa, ana see nionggola su walahannu Israel maola'a pussa'a mangitou. Wanua udde nitahia, wuṛṛu suapan ṛuanganna naasomba sambau wageangnge. Walahannu Israel nangillol᷊ote napapangalo wuṛṛu wanuane lai mal᷊anganna wuṛṛu su al᷊al᷊uassa.

DARALO 105:44

Leta'u manga walahanna nionggolu Mawu si mangitou, manga wawail᷊anni mangitou naola'a pussa'an al᷊aṛṛanang-Nge,

YOSUA 24:12

Su tempo i yamiu inaite mamangalo si mangitou i Ya'u napaatingnganga wuṛṛu napaata'utti mangitou, na'oman sara ruan katou ratun Amori udde tinumal᷊angngi yamiu. Wal᷊ine hal᷊elenu wuṛṛu wal᷊ine anaannu apan naauntungnga si yamiu.

YOSUA 10:42

Tumba'u paassa napapangalo, i Yosua namaddon anambon datu udde wuṛṛu nangaṛṛo manga wageangngu leta'a apan paparentanni mangitou, ana waugu Mawu, Ruatan Israel, napapangalo suadio'a ringannu Israel.

YOSUA 10:11

Su tempo manga taumatan Amori tantal᷊anna sussossokka su sendakku wowone udde ana waugu tul᷊angngu watanganne wuassu tantaran Israel, Mawu nanossoku uranna eisse apan wahahewalla wuassu langitta si mangitou su al᷊o'engngu lal᷊anna naddatingngu Azeka. Ingana'a nate naemaannu uranna eisse udde mannamboanna wuassu nipaten taumatan Israel.

YOSUA 3:10

Amungkangu i yamiu inaite umamatta, Mawu sarun mallimbuakka taumatan Kanaan, Het, Hewi, Feris, Girgasi, Amori wuṛṛu Yebus. Wuṛṛu su tempo Wantalu Pa'aire Mawu ul᷊ilim pati'uppa tinumumbete Yordan malliu ṛoro si mangitou, i yamiu sarun maasilo manungku Mawu Ruata apan biakka, udde su pattangnganni yamiu.

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.

REENGANNA 13:32

Ana see i mangitou nanal᷊iawukken batti'a awusu su ammul᷊annu taumatan Israel su ola'u wanua apan buatte niellehanni mangitou. Unni mangitou, “Wanua udde tumaniten ma'ata'utta, ewe'e lai su tumanangnge sassane. Manga taumata apan niasiloanni yami poiaroddi wahahewalla awangnge.

SASABANGNGA 34:11

Paatuṛṛute manga tita apan Ta'u nionggola si yamiu allo indi. i Ya'u sarun mallimbuakka balahannu Amori, Kanaan, Het, Feris, Hewi wuṛṛu Yebus su tempo i yamiu umamatte.

SASABANGNGA 23:28

Manga seennu sarun Ta'u isongkakka, wuṛṛu manga walahannu Het Ta'u limbuaṛṛanna wuassu saruannu tadea'u i yamiu wotongnge umamatta.

SASABANGNGA 15:19

Su tempo taumatan Israel namare tahal᷊oangnga, i mangitou niumamatta su wantane apan mamara. Arawe su tempo manga kereta wuassu Mesir ringannu awal᷊o wuṛṛu sumasa'ene nasutta sulal᷊ummu tahal᷊oangnga, Mawu na'ola'a uaene nangelekka apia na'oman sara i mangitou nilumakkubba.

SASABANGNGA 10:2

wuṛṛu tadea'u i'o wotongnge mabbatti'a su ana'a pulunnu ereapa i Ya'u nannalangnga balahannu Mesir ringannu manga al᷊aṛṛindu'a udde. Ne i yamiu sarangkanambone masingkatta manungku ete i Ya'u Mawu.”

TAHIUL᷊E 4:38

Manga walahanna apan magewal᷊anna wuṛṛu mattohassanna nilimbuaṛṛanni Tou wuassu saruannu, tadea'u ipanguntuddi yamiu watukku wanuan mangitou apan nionggola si yamiu, wanua apan orassa indi naola'a pussaanuu.

TAHIUL᷊E 32:7

Paanaungete tempo dorone panutukke tempon manga taumata apan nangkal᷊iu. Iwal᷊oite su hagurangngu, tadea'u i mangitou mamasingkatta si yamiu.

MAL᷊AṚṚUUNGNGA 6:13

I Gideon sinumimbakka, “I ya'u madorongnga ampunga tuanga! Amungkangngu atonna Mawu uarundinganna si yami, anio al᷊awo'u inolaanna indi naṛṛia'a si yami? Suapate al᷊awo'u al᷊aṛindu'a apan buatte niola'u Mawu dorone wuṛṛu buatte niapasingkattu iupungngu al᷊amonang kami su ola'u ereapa Mawu napasabbangi mangitou wuassu Mesir? Orassa indi Mawu nanantangken kami wuṛṛu namalan kami paparentannu manga taumatan Midian.”

2 SAMUEL 23:12

Arawe i Sama sidutu uapapangalo, namate wuṛṛu namaddon taumatan Filistin, na'oman sara naataṛṛangnga wawail᷊anna udde. Etearoddi Mawu nangonggollu auntunganna apan wahewalla.

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.