DARALO 43:2 - WUKE SUSI WATTI'U AL᷊AL᷊USASSA

² Ete I'o Ruata, pasasirungangku; anio I'o nanantangku? Anio i ya'u sidutu uatataṛṛangnga ana waugu aallangannu manga see'u?

DARALO 43:2 Referans Kwoze

DARALO 42:9

Antimanna Mawu mapal᷊iatta'u darangngu-Ne sutempo allo, tadea'u sutempo ṛabbi i ya'u wotongnge mangantari wuṛṛu umal᷊iomanna su Ruata punnu wia'u.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

DARALO 94:14

Ana waugu Mawu sarun tawe manantangngu al᷊aṛṛanang-Nge; i Tou tawe ma'ellega aroddi pussa'a-Ne.

DARALO 44:9

Ne i yami sidutu mammantuga Si'o, wuṛṛu uata'a maadiangkamanna Si'o.

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

DARALO 140:7

Oh Mawu, i ya'u mabbisara: Ete I'o Ruata'u, daringiṛṛewe aal᷊iomannu sasal᷊ande'u.

DARALO 77:7

Sutempo ṛabbi i ya'u maṛṛingidda, wuṛṛu ma'iwal᷊o sulal᷊ummu naungnga,

DARALO 71:9

Arie I'o mandamme'u sutempo i ya'u timmadete ariewe pantantanga'a i ya'u napawe atatoha'u nasuete,

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

DARALO 31:4

Ore, I'o naal᷊ihidda wowone watu wuṛṛu tanda'a watu apan matohassa si ya'u! Ehettawe i ya'u ere buatte nipa'ire-Nu.

DARALO 42:10

I ya'u nabbisara su Ruata, mananahe'u, “Anio I'o naabul᷊i'u? Anio i ya'u sidutu uatataṛṛangnga, ana waugu aallangannu manga see'u?”

DARALO 88:15

Oh Mawu, anio I'o nanol᷊a'u? Anio I'o namiṛṛun hati-Nu wuassia'u?