DARALO 42:11 - WUKE SUSI WATTI'U AL᷊AL᷊USASSA

¹¹ Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”

DARALO 42:11 Referans Kwoze

DARALO 42:5

Naungku massusa napawe maanaungnga tempo dorone, sutempo i ya'u mattudda Wal᷊en Mawu suadio'a ringannu awadaalla apan mallaghun damea. I ya'u u'amatta su saruannu ammul᷊anna ringannu huggio wuṛṛu antarin daralo.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

YEREMIA 30:17

Salaiwe seennu mabbisara, ‘Sion buatte niramme, wuṛṛu tateddu lai manaile,’ arawe i yamiu sarun Ta'u olaanna sehatta apia, wuṛṛu manga lessanu sarun ta'u undamanna.”

DARALO 43:5

Anio naungku massusa wuṛṛu sussinggawanga? I ya'u uaantimma Ruata, ne i ya'u sarun maadiangkamanna apia si Tou, su Ruata'u wuṛṛu mananal᷊ama'u.

MATIUS 9:12

Mawu Yesus naaringikka aiwal᷊o mangitou see sinumimbakka, “Taumata apan tawe maradda'a, tawe mappandumma doktere, tumba'u taumata apan maradda'a.

DARALO 79:10

Arie pabbala'a walahanna waine maiwalon kami, “Suapate Ruatan mangitou?” Wala'ewe i yami maasilo wawal᷊inne su walahanna apan namate manga allang-Ngu.

DARALO 102:9

Su al᷊o'engngu allo see'u mallobbossa si ya'u; arangku niola'a wawontoga su taumata massa'u si ya'u.

DARALO 115:2

Anio manga walahanna mabbisara, “Suapate Ruatan mangitou?”

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”