DARALO 41:2 - WUKE SUSI WATTI'U AL᷊AL᷊USASSA

² Lal᷊umanna'a su taumata apan u'akkannu taumata lome; Mawu sarun mantul᷊ungngi tou sutempon asasusa.

DARALO 41:2 Referans Kwoze

DARALO 27:12

Arie i ya'u itantilla su apulun naungngu see'u, apan namangalo si ya'u ringannu wawahia wuṛṛu wawansaga.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

DARALO 37:22

Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

DARALO 33:19

I Tou nanal᷊amatta si mangitou wuassu papate, wuṛṛu nappadul᷊i si mangitou su tempo ṛutumma.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

RUT 2:19

Ne i Naomi na'iwal᷊ote si tou, “Wuassuapa i'o naasomba sarangkanambone indi? Su wailli sai i'o nammanara allo indi? Antimanna Ruata mangal᷊amatta taumata apan na'ola'a si'o ringannu mapia!” Ne i Rut nabbatti'a si Naomi manungku wailla su tampa i tou namurutta gandumma udde eteudde pussa'an sangkatou esakka aranne i Boas.

AMSAL 11:17

Taumata naungnge matul᷊idda mangnguntungnga watanganne; taumata maṛṛaggissa mandugi watanganne.

AMSAL 14:21

Isai mallobbossa taumata waine, na'ola'a rosa; isai apan u'akkannu taumata asiangnga, sarun mabbiakka su lal᷊umanna'a.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 31:20

I tou tawe mapiikka su taumata awussa; i tou masaṛṛionto'a su taumata apan ma'itul᷊ungnga.

YEREMIA 39:17

Arawe i Ya'u, Mawu, sarun mallu'adda si'o. I'o tawe itantilla su manga taumata apan iaata'unnu.