DARALO 40:7 - WUKE SUSI WATTI'U AL᷊AL᷊USASSA

⁷ Sasamba wuṛṛu aonggola ipaadiri-Nu, sasamba itattambunna wuṛṛu sasamba papappassa rosa tawe dorongan-Nu. Arawe I'o buatte nangonggolu tal᷊inga si ya'u, apan wotongnge maaringikka tingikku Mawu.

DARALO 40:7 Referans Kwoze

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

DARALO 50:9

I Ya'u tawe mappandumma sapi wuassu tandangu, ara'e ambinga wuassu ammul᷊annu winatangngu;

DARALO 51:18

I'o maddirin sasamba laṛṛatanna; unnu wisara i ya'u nangonggolu sasamba itattambuna, ne I'o maddiri.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 50:5

Mawu nangonggollu pasasunna si ya'u; i ya'u tawe lumawangnga ara'e tinumal᷊iudda si Tou.