DARALO 40:6 - WUKE SUSI WATTI'U AL᷊AL᷊USASSA

⁶ Mawu, anambone eteapa inolaan-Nu si yami, oh Mawu Ruata'u, I'o taweddu panumandinganne! Tumaniten manambo ṛiin-Nu apan maatiangnga si yami, tawe iawatti'a abbi.

DARALO 40:6 Referans Kwoze

YESAYA 1:11

Mawu nabbisara, “Su sunnanu i Ya'u maapulun al᷊awo'u sasamba apan sidutu ia'onggolli yamiu si Ya'u? Ya'u nualle manga domba sassambanu tattutunganna wuṛṛu tawan ana'u sapinu. Daṛṛan sapi esakka, domba wuṛṛu ambingnga i Ya'u maddirite.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

DARALO 51:16

Liuaawe i ya'u wuassu papate, oh Ruata mananal᷊ama'u, ne ringannu lullala'a i ya'u sarun mamasingkattu atatul᷊iddu Mawu.

HOSEA 6:6

i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

MATIUS 12:7

Sulal᷊ummu Wuke Susi uawoṛṛetta: Ete pa'a'akanna apan ipaapulu-U, wal᷊ine sasamba wuassu winatangnga. Amungkangngu i yamiu atonna-tonna maasunna wisara indi, natantuna i yamiu tawe mapaasal᷊a manga taumata apan tawe sal᷊ane.

AMOS 5:22

Amungkangngu i yamiu mangapiddu sasamba itattambunna wuṛṛu gandumma, i Ya'u maddiri manengkamma. I Ya'u maddiri manengkamma manga winatangngu apan mangkatawa udde apan ionggolli yamiu si Ya'u maola'a sasamban paddareme.

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

AYUB 33:16

Ruata nandolokki mangitou niapararingikka; I Tou namaṛṛindu'a si mangitou ringannu manga tataggu.

DARALO 50:8

Wal᷊ine ana waugu sasambanu i Ya'u mangansilla si yamiu; sasamba itattambunnu sidutu udde su saruang-Ku.

SASABANGNGA 21:6

ne mawune ṛinone mangapiddi tou watukku tampa patataṛṛamawuanna. Poiaroddi allangnga udde irolokka rumarisikka uasaṛṛadda su ngara ara'e su diṛṛin ngaran patataṛṛamawuanna, wuṛṛu mawune ṛinone mamebbetta tal᷊ingan allangnga udde. Ne i tou sarun mabbal᷊i allangnge su al᷊o'engngu pabbiaṛṛanne.

AYUB 5:9

Manga inolaannu Ruata tawe sul᷊ungnge; i ite mangke tawe maasunna. Manga al᷊aṛṛindu'a apan niolang-Nge, tawe iareengnga wuṛṛu tawe umuddussa.

DARALO 71:15

Su al᷊o'engngu allo i ya'u mabbatti'u manga inolaan-Nu apan matul᷊idda, wuṛṛu asasal᷊amatta wuas-Si'o apan tawe iareengnga.

DARALO 139:17

Aroddi asahadde ringiṛṛan-Nu si ya'u, oh Ruata, wuṛṛu aroddi anambone reenganne!

DARALO 139:18

Napawe ta'u ireengnga, mannamboanna wuassu anne; napawe i ya'u mapo'u, I'o lai ta'e ta'u iraṛingidda.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.