DARALO 4:8 - WUKE SUSI WATTI'U AL᷊AL᷊USASSA

⁸ I'o na'ola'a naungku lembon lulluassa wuassu taumata apan manambo pangitinganne.

DARALO 4:8 Referans Kwoze

AMSAL 3:24

I'o sarun matiilla ringannu tawe apendamma matta'utta, wuṛṛu i'o maatilla mal᷊angnga su al᷊o'engngu ṛabbi.

DARALO 3:5

I ya'u ma'ialal᷊are su Mawu; wuassu wuid-De apan Susi i Tou sinumimbakka si ya'u.

1 TESALONIKA 5:10

I Tou nate hunan kite, tadea'u su tempo i Tou rumanta apia – tanne i ite ta'e wiakka, ara'e natete – i ite wotongnge mabbiakka su sambau ringanni Tou.

TAHIUL᷊E 12:10

Napawe i yamiu buatte nilumewessa Sal᷊ukku Yordan, Mawu Ruatanu sarun mantul᷊ungngi yamiu matana'a wuṛṛu mamanua su leta'a samba'an sal᷊ukka udde. I Tou sarun mallu'adda si yamiu wuassu al᷊awo'u seetta, wuṛṛu i yamiu sarun mabbiakka ringannu matammamudda wuṛṛu mal᷊uassa.

IMAMATTA 26:5

Hessin letangngu sarun lumambalanna, ma'oman sara napawe nia'omante tempone mani'o wuan kanggore, i yamiu ta'e mangngitingnga gandumma. Wuṛṛu napawe nia'omante tempone mangasi'u gandumma, i yamiu ta'e manni'o wuan anggore. I yamiu sarun pia anna apan hatimu wuṛṛu abbiakka su lal᷊umanna'a su wanuanu.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.