DARALO 39:9 - WUKE SUSI WATTI'U AL᷊AL᷊USASSA

⁹ Pallosaawe i ya'u wuassu anambon rosa'u, arie pabbala'a i ya'u mabbal᷊i aal᷊uandahannu taumata longonna.

DARALO 39:9 Referans Kwoze

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

2 SAMUEL 16:10

Arawe ratu nabbisara si Abisai wuṛṛu si Yoab iaangnge, “Ariete paddaringiṛṛe. Wala'e aroddi i tou mantal᷊a'u. Ana waugu amungkangu Mawu nandolokki tou, isai apan pia taṛṛino maiwal᷊o anio inolaanni tou aroddi?”

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DARALO 38:13

Taumata apan mappandumma mamate si ya'u nantaingngu sedda si ya'u; apan pia pandumma manilaka si ya'u mammansaga mamate si ya'u.

1 SAMUEL 3:18

Ana see i Samuel namasingkattu sarangkanambone udde si Eli. Tawe saran sambau apan niadappingnge. Wua'udde nabbisarate i Eli, “I Tou Mawu, walate i Tou ma'ola'a tumuṛṛuttu apulu-Ne udde mapia.”

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.