DARALO 39:6 - WUKE SUSI WATTI'U AL᷊AL᷊USASSA

⁶ Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

DARALO 39:6 Referans Kwoze

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.

1 KORINTUS 7:31

wuṛṛu manga taumata uamanara sulal᷊ummu manaran runia, ṛinone mabbiakka pailal᷊ihidda ere i tou tawe limbatannu manara udde. Ana waugu tate mal᷊annu lai runia indi, sulal᷊ummu olangnge ere orassa indi sarun mawul᷊i!

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

MANNANASE 5:14

I ite niasungkangnga ringangu uatantol᷊e; aroddi lai i ite manantangngu runia indi, tawe mangapiddu manga apa wuassu al᷊awo'u darotongnga inasaharanni ite.

1 PETRUS 5:7

Tantila'e anambon asasinggawangngu su Ruata, ana waugu i Tou uapaddul᷊i si yamiu.

LUKAS 12:29

Nariaddi, arie pa'asinggawangnga wuṛṛu umal᷊iwu su ola'u apa apan sarun annananna wuṛṛu inumanni yamiu.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

MANNANASE 12:8

Wisara'u, atonna sarangkanambone udde tawe gunane, sarangkanambone tawe gessine, tawe atappasanne.

MANNANASE 2:8

I ya'u nangammullu sal᷊a'a wuṛṛu wul᷊awanna aonggollu manga ratu su manga wanua apan paparentangku. Mangangantari esakka wuṛṛu mangangantari wawine maal᷊uassa naungku ringannu manga antarin mangitou. I ya'u uatahuanna manambo lai awingku su liudde anambone suapawe ipaapulu'u.

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

AMSAL 13:22

Taumata mapia mannantangngu pussa'ane su ana'a pulunne; paa'alan taumata marosa sahipunanna maola'a tatahuannu taumata apan matul᷊idda wiakke.

DARALO 127:2

Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.

1 PETRUS 1:24

Sulal᷊ummu Wuke Susi uawoṛṛetta arendi, “Anambon walahannu taumata ere nannal᷊o, wuṛṛu ahewallu awawantu-Ge ere wungan nannal᷊o. Nannal᷊o tinumolangnga, wungane lai natontonga;

YAKOBUS 5:3

Wul᷊awanna wuṛṛu sal᷊aanu nitaiante, taine sarun maola'a tatiala lumawangnga si yamiu wuṛṛu sarun umanna wadangu ma'oman sara masue ere putungnga. I yamiu suete nangombon darotongnga su tempo maraniten allon panginsueanne.

AMSAL 27:24

ana waugu paa'ala tawe mattaṛṛangnga mal᷊annu, ewe'e lai taṛṛino ipamarenta lai sidutu saran mal᷊annu-l᷊annu.

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

AYUB 7:7

Naungete, oh Mawu, wia'u tumba'u paassa sumangngo; lal᷊umanna'u nawul᷊i, tawe lannangnge.

AYUB 7:16

I ya'u nasahadde wuṛṛu nawusate mabbiakka; i ya'u mappulute mate! Wala'e i ya'u, waugu wia'u tate aregane.

AYUB 14:1

Ro'en niasungkangnga taumata udde lome, tawe maal᷊ore; uukke maautta see lai napenen asasusa.

DARALO 89:48

Naungewe i ya'u aroddi aaunne wia'u indi, I'o nandiadi taumata sangkatou riadianna apan wotongnge mate.

DARALO 144:4

Tauamata udde naal᷊ihidda anginna paassa sumingangu, naal᷊ihidda lintau sumabbi, etearoddi ola'u wiakke.

MANNANASE 11:10

Limbuaṛṛete asasinggawanga wuṛṛu asasusa wuassu naungngu, ana waugu temponu saṛṛentumuwo mal᷊ihakke mal᷊iudda.

LUKAS 12:26

Amungkangngu hatto adio'a udde tate ia'ola'i yamiu, anio i yamiu sussinggawangngu inolaanna waine?