DARALO 39:12 - WUKE SUSI WATTI'U AL᷊AL᷊USASSA

¹² Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

DARALO 39:12 Referans Kwoze

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

IBRANI 11:13

Anambon taumata udde sidutu mangngimanna ma'oman sara mate. I mangitou tawe naasengkamma manga inolaanna apan pina'iren Ruata, arawe tumba'u ma'ellega wuṛṛu mannal᷊oho wuassu marau. Wuṛṛu ringannu udde i mangitou nabbal᷊o manungku i mangitou tumba'u taumata raho wuṛṛu mamamal᷊intadu runia indi.

DARALO 119:19

Tawe mal᷊annu i ya'u matana'a su runia, ariewe mamunin tita-Nu si ya'u.

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

DARALO 56:8

Piawe asasal᷊amatta su al᷊al᷊eon mangitou? Patete i mangitou sulal᷊ummu asasa'u-Nu, oh Ruata!

1 TAWARIKH 29:15

I'o masingkatta, oh Mawu, manungku ere lai manga al᷊amonan kami, yami lai mabbiakka su runia indi naal᷊ihidda rumaranta wuṛṛu taumata raho. Wiakki yami naal᷊ihidda lintau apan malliudda, wuṛṛu yami lai tawe maal᷊iu wuassu papate.

2 MARARATU 20:5

niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

DARALO 116:3

I ya'u uasaruante papate; atata'uttu papate uaarunte si ya'u, naaola'a si ya'u sussinggawanga wuṛṛu matta'utta.

AYUB 16:20

I ya'u aal᷊uandahannu manga hawe'u wuṛṛu ilallage; lapiddu lulluai i ya'u sinumaruanna Ruata maddorongnga aontolla.

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

2 KORINTUS 5:6

Ana waugu udde naungngi yami sidutu uapendama atatohassa. I yami masingkata manungku tantal᷊anna yami ta'e uatana'a sulal᷊ummu wadangngi yami indi, yami marau wuassu wal᷊e apan sarun atanaanni ami suadio'a ringannu Mawu.

DARALO 102:1

Aal᷊iomannu taumata sansara apan sulal᷊ummu awawandu sussal᷊iommanna su Mawu.

DARALO 119:54

Su al᷊o'engngu pabbiaṛangku su runia, tita-Nu ta'u niola'a manga aantari daralo.

PANDARIADDI 21:34

Wua'udde i Abraham natana'e su wanuan taumatan Filistin.

AYUB 13:28

Ne i ya'u nabbal᷊i maṛṛattu ere alu apan naṛṛenessa; naal᷊ihidda mal᷊aṛṛenessa niannu wa'u'a i ya'u nabbal᷊i ṛenessa.

DARALO 90:9

Wiakki yami maautta ana waugu asasa'u-Nu, manga tonna pabbiaṛṛanni yami nasue ere sasangngo.