3 Anaan-Nu nallappasa nallessa wadangku, lima-Nu pendamanna mawakkata uaumpisanna si ya'u.
Mawu, ariewe manggesekka si ya'u ringannu asasa'u-Nu, ariewe makkuumangku sulal᷊ummu wawuṛṛeang-Ngu.
I'o maddoronga atatul᷊iddu naungnga; loṛṛoiten naungku ringannu apande-Nu.
I ya'u tinumolangnga ere nannal᷊o naṛṛangu, wuṛṛu niawul᷊iannu apulu umanna.
Ariewe mangindau'u napawe i ya'u sulal᷊ummu asasusa. Daringiṛṛewe napawe i ya'u sumal᷊ande, wuṛṛu simbakkawe si ya'u ringannu mal᷊ihakka.
Sutempo udde i Uzia tantal᷊anna uarisikka maranin meddan amania su Wal᷊en Mawu ringannu anutungnga dare'omma amania su limane. I tou nasa'u su manga imam udde, wuṛṛu inaṛṛombanganne nilumattote radda'a su pisi apan maarantinna su pakkanne.
Anaanna wuassu Apan Lembontaṛṛino nallappassa su wadangku; pasangkadde niumalinna su ahewallu wadangku wuṛṛu ṛimuu'u. Al᷊aṛṛaubbu Ruata mangke maata'utta, wuṛṛu mammangalo si ya'u naal᷊ihidda ammul᷊annu seetta.
Allo ṛabbi I'o mannasa'u, Mawu, i ya'u niasueannu ikkata niiṛṛuppu matannallo.